Qazaqstan memlekettik qyzmetkerlerdiń jalaqysyna jylyna 1 trıllıon teńge jumsaıdy, dep habarlaıdy "Adyrna" ulttyq portaly Qarjy mınıstri Mádı Tákıevtiń málimdemesine siltep.
«Men jalpy memlekettik apparattyń jalaqysy týraly aıta alamyn. Bul soma 1 trıllıon 32 myń teńgeni quraıdy, bul barlyq memlekettik qyzmetkerlerdiń bir jyldyq jalaqysy», - dedi Tákıev seısenbi kúni úkimet brıfınginde.
Sonymen qatar, mınıstrdiń aıtýynsha, mınıstrlikterdiń sany 14-ten 21-ge deıin óskenimen, jalpy shtat sany kóbeıgen joq.
«Mınıstrlikterdi bólý týraly sheshim qabyldandy, biraq shtat tolyqtyrylmaǵan, sany sol kúıinde qaldy. Meniń bilýimshe, 89 myń memlekettik qyzmetker bar, olardyń sany da burynǵysha», - dep qosty basqarma basshysy.