5 سىنىپ وقۋشىسىنىڭ جۋسان ءيىسى ساقتالعان ءاتىر شىعارعانى ايتىلدى، دەپ حابارلايدى "ادىرنا" ءتىلشىسى Atameken Business-كە سىلتەپ.
اقمولا وبلىسى اقكول اۋدانىنداعى كەڭەس اۋىلىنىڭ 5-سىنىپ وقۋشىسى البينا ايدارحانوۆا ۇزدىك دەپ تانىلدى.
ول ۇستازىمەن بىرگە قازاق دالاسىنىڭ حوش ءيىسى ساقتالعان ءاتىر شىعارعان. ورتا سىنىپ وقۋشىسىن ەرەكشە حوش ءيىس جاساۋعا سۇلتان بەيبارىس تۋرالى اڭىزداعى "جۋساندا تۋعان جەردىڭ ءيىسى بار" دەگەن قاناتتى ءسوزى شابىتتاندىرعان.
ء"بىز ءۇي جاعدايىندا ءاتىر جاساۋ تاسىلدەرىن زەرتتەدىك. العان بىلىمدەرىمىزدى پراكتيكادا قولدانۋ بارىسىندا جۋساننىڭ سان ءتۇرىن انىقتادىق. ەگەر ءاتىردىڭ نەگىزگى نوتاسى رەتىندە گۇلدەر قولدانىلسا، ءبىز ونىڭ ورنىنا قاراپايىم جۋساندى تاڭدادىق. سەبەبى ونىڭ تۇنباسى تابەتتى جاقسارتادى، اسقازان-ىشەك جولدارىنىڭ قىزمەتىن نىعايتادى، جۇيكە جۇيەسىن تىنىشتاندىرادى، ءتۇرلى شانشۋ مەن قۇرىسۋلاردى، اۋىرسىنۋدى باسادى، ءتىپتى تىنىش ۇيقىعا سەپتىگىن تيگىزەدى", – دەيدى جوبا جەتەكشىسى، باستاۋىش سىنىپ مۇعالىمى جۇپار احمەتوۆا.
وقۋشى ويلاپ تاپقان حوش ءيىس "ەلىم-اي" دەپ اتالادى. جاس ونەرتاپقىش ءاتىردىڭ اتاۋى ەلىمىزدىڭ مادەنيەتىنە دەگەن سۇيىسپەنشىلىكپەن بايلانىستى ەكەنىن ايتادى.
