ەكس-دەنساۋلىق ساقتاۋ ءمينيسترى اجار عينيات بالالاردى وڭالتۋ ۇلتتىق ورتالىعىنىڭ باسشىسى بولىپ تاعايىندالدى، دەپ حابارلايدى «ادىرنا» ءتىلشىسى.
جاڭا باسشىنى ۇجىمعا دەنساۋلىق ساقتاۋ ءمينيسترى اقمارال ءالنازاروۆا تانىستىردى.
اجار عينيات 1969 جىلى باتىس قازاقستان وبلىسىندا دۇنيەگە كەلگەن.
1992 جىلى اقتوبە مەملەكەتتىك مەديتسينا ينستيتۋتىن «دارىگەر-پەدياتر» ماماندىعى بويىنشا، 2007 جىلى ش. ەسەنوۆ اتىنداعى اقتاۋ مەملەكەتتىك ۋنيۆەرسيتەتىن «مەملەكەتتىك جانە جەرگىلىكتى باسقارۋ مەنەدجەرى» ماماندىعى بويىنشا، 2015 جىلى الماتى مەنەدجمەنت ۋنيۆەرسيتەتىن «مۆا ىسكەرلىك اكىمشىلەندىرۋ ماگيسترى» ماماندىعى بويىنشا تامامداعان.
ەڭبەك جولىن 1993 جىلى اتىراۋ قالاسىنىڭ №2 قالالىق ەمحاناسىندا ۋچاسكەلىك پەدياتر بولىپ باستاعان.
1994 جىلدان 1999 جىلعا دەيىن — اقتاۋ قالاسىنىڭ №1 مەديتسينالىق سانيتارلىق ءبولىمىنىڭ مەڭگەرۋشىسى، دəرىگەر-ينفەكتسيونيستى.
1999-2001 جىلدارى — ماڭعىستاۋ جۇقپالى اۋرۋلار اۋرۋحاناسىنىڭ باس دارىگەرىنىڭ ەمدەۋ ءىسى جونىندەگى ورىنباسارى.
2001-2005 جىلدارى — ماڭعىستاۋ وبلىسىنىڭ دەنساۋلىق ساقتاۋ باسقارماسى باسشىسىنىڭ ورىنباسارى.
2005-2006 جىلدارى — ماڭعىستاۋ وبلىسى دەنساۋلىق ساقتاۋ دەپارتامەنتىنىڭ ديرەكتورى.
2008-2017 جىلدارى — قر دەنساۋلىق ساقتاۋ مينيسترلىگىنىڭ باسقارما باسشىسى، دەپارتامەنت ديرەكتورى.
2017-2020 جىلدارى - قازاقستان رەسپۋبليكاسى پرەزيدەنتى اكىمشىلىگىنىڭ مەديتسينالىق ورتالىعى مەڭگەرۋشىسىنىڭ ورىنباسارى.
2020-2022 جىلدارى - دەنساۋلىق ساقتاۋ ۆيتسە-ءمينيسترى.
2022-2024 جىلدارى دەنساۋلىق ساقتاۋ ءمينيسترى قىزمەتىن اتقاردى.
اجار عينيات مينيستر كەزىندە دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس ونى "قۇداعي" دەپ، قازاقستان پرەزيدەنتى قاسىم-جومارت توقاەۆتى "قۇدا" دەپ اتاعان بولاتىن. ول كەلىنى قازاق ۇلتىنىڭ وكىلى ەكەنىن العا تارتىپ، ءوزىنىڭ قازاقستانعا قاتىسى بارىن وسىلاي بىلدىرگەن.
