«Amanat» پارتياسىنىڭ اتقارۋشى حاتشىسى قىزمەتىنە داۋلەت كارىبەك تاعايىندالدى، دەپ حابارلايدى “ادىرنا”.
بۇگىن “امانات” پارتياسىنىڭ توراعاسى ەرلان قوشانوۆتىڭ قاۋلىسىمەن داۋلەت جاماۋبايۇلى كارىبەك پارتيانىڭ اتقارۋشى حاتشىسى بولىپ تاعايىندالدى.
پارتيانىڭ جاڭا حاتشىسى 1990 جىلى 12 قىركۇيەكتە جامبىل وبلىسىندا دۇنيەگە كەلگەن.
2009 جىلدان باستاپ «Nur Otan» پارتياسىنىڭ «Jas Otan» جاستار قاناتىندا ءتۇرلى قىزمەتتەردى اتقارعان. ەڭ العاشقى قىزمەتتىك جولىن 2009 جىلى «جاس وتان» مك توراعاسىنىڭ ءبىرىنشى ورىنباسارىنان باستاعان.
2019 جىلى «Jas Otan» جاستار قاناتىن باسقارىپ، قر پرەزيدەنتتىگىنە كانديدات ق. توقاەۆتىڭ رەسپۋبليكالىق شتابىنىڭ Team Qazaqstan جاستار قاناتىنا دا جەتەكشى بولدى.
«نۇر-سۇلتان قالاسىنىڭ جاستار ساياساتى ماسەلەلەرى باسقارماسى» مەملەكەتتىك مەكەمەسىنىڭ باسشىسى، 2021-2022 جىلدار ارالىعىندا جامبىل وبلىسى اكىمىنىڭ ورىنباسارى بولدى.
اعىمداعى جىلدىڭ 14 ناۋرىزىنان بەرى «Amanat» پارتياسىنىڭ حاتشىسى بولدى.
“ادىرنا” ۇجىمى داۋلەت كارىبەكتى جاڭا قىزمەتىمەن قۇتتىقتايدى.
بەدەلىڭىز بيىك، ابىرويىڭىز اسقاق بولسىن! جاڭا قىزمەتىڭىزگە سəتتىلىك پەن تابىس تىلەيمىز!
