ۇلىتاۋ وبلىسىنىڭ بۇرىنعى اكىمى بەرىك ابدىعالي ۇلتتىق مۋزەي ديرەكتورىنىڭ مىندەتتەرىن ۋاقىتشا اتقارۋشى قىزمەتىنە تاعايىندالدى. جاڭا باسشىنى مۋزەي ۇجىمىنا مادەنيەت جانە اقپارات ءمينيسترىنىڭ مىندەتىن اتقارۋشى ايزادا قۇرمانوۆا تانىستىردى، دەپ حابارلايدى “ادىرنا” ۇلتتىق پورتالى.
بەرىك ابدىعالي اكىم قىزمەتىنەن 2024 جىلدىڭ 9 قازانىندا بوساتىلعان ەدى. داستان رىسپەكوۆ ۇلىتاۋ وبلىسىنىڭ جاڭا اكىمى بولدى.
بەرىك ابدىعالي 18.09.1971 جىلى قاراعاندى وبلىسى، ۇلىتاۋ اۋدانى، تەرىساققان اۋىلىندا دۇنيەگە كەلگەن. 2022 جىلى ۇلىتاۋ وبلىسىنىڭ اكىمى بولىپ تاعايىندالدى. وعان دەيىن پارلامەنت ءماجىلىسىنىڭ دەپۋتاتى بولعان.
ۇلتتىق مۋزەي رەسمي تۇردە 2015 جىلدىڭ 9 شىلدەسىندە اشىلدى. قازاقستاننىڭ ەڭ ۇلكەن مۋزەيى سانالادى. استاناداعى تاۋەلسىزدىك الاڭىندا ورنالاسقان.
ەسكە سالايىق، ۇلتتىق مۋزەيدىڭ بۇرىنعى باسشىلارىنىڭ ءبىرى، بۇرىنعى مادەنيەت جانە سپورت ءمينيسترى ارىستانبەك مۇحامەديۇلى قازىر سىبايلاس جەمقورلىق ءىسى بويىنشا جازاسىن وتەپ جاتىر.
