رامازان ايىندا ازىق-تۇلىك باعاسىن كوتەرۋ – ۇلكەن كۇنا. بۇل تۋرالى تاجىكستان عۇلامالار كەڭەسىنىڭ باسشىسى (مۋفتي) سايدمۋكاررام ابدۋلكوديرزودا مالىمدەدى، دەپ حابارلايدى “ادىرنا” ۇلتتىق پورتالى Asia-plus سايتىنا سىلتەمە جاساپ.
ءمۇفتي رامازان ايى تەك ورازا ايى عانا ەمەس، ادامنىڭ جان-دۇنيەسىن، نيەتى مەن ءىس-ارەكەتىنىڭ تازالىعىن سىنايتىن ۋاقىت ەكەنىن اتاپ ءوتتى.
«وسى ايدا كوبىرەك پايدا تابۋ ءۇشىن باعانى جاساندى تۇردە كوتەرۋ – يسلامدا ايىپتالعان ەڭ سوراقى ارەكەت»، - دەلىنگەن ءمۇفتيدىڭ ءدىن ىستەرى كوميتەتىنىڭ «دين ۆا چومەا» ء(دىن جانە قوعام) رەسمي باسىلىمىندا جاريالانعان مالىمدەمەسىندە.
ابدۋلكوديرزودا مۇسىلمانداردىڭ قاسيەتتى ايى مەن ءدىني مەرەكەلەرىندە باعانىڭ كوتەرىلۋىنەن تۇسكەن تابىس ساۋداگەرلەرگە «ۋايىم، ساتسىزدىك پەن الاڭداۋشىلىقتان باسقا ەشتەڭە اكەلمەيتىنىن» اتاپ ءوتتى.
«سوندىقتان بارشا ساۋداگەرلەردەن مۇباراك رامازان ايىنىڭ ءار كۇنى قايىرىمدىلىق جاساپ، باعانى كوتەرمەي، بەلگىلى ءبىر دارەجەدە تومەندەتۋدى سۇرايمىن. ويتكەنى ەشبىر ءىس ساۋاپسىز بولمايدى، جاقسى نيەتپەن ىستەلسە، ساۋابى دا جاقسى بولادى»، – دەپ ءتۇسىندىردى تاجىكستان ءمۇفتيى.
