ءماجىلىس دەپۋتاتى عالىم امىرەەۆ ۇكىمەتكە دەپۋتاتتىق ساۋالىن جولداپ، ازىق-تۇلىك باعاسىن رەتتەۋدى سۇرادى, دەپ حابارلايدى “ادىرنا” ۇلتتىق پورتالى.
وندا ول ازىق-تۇلىك ونىمدەرى باعاسىنىڭ ءوسۋى – ءجيى كوتەرىلەتىن ماسەلە ەكەنىن، حالىق بۇل ماسەلەنىڭ شەشىلەتىنىنە ءتىپتى سەنبەيتىنىن ايتتى. دەپۋتات الەۋمەتتىك ماڭىزى بار ازىق-تۇلىك ونىمدەرىنىڭ باعاسىن رەتتەۋ جونىندە جەدەل شارالار قابىلداۋدى سۇرادى.
“حالىق ازىق-تۇلىك باعاسىنىڭ تۇراقتالاتىنىنا سەنبەيدى… ۇكىمەت اياعىن شالىس باسۋدان شارشاماي ما؟ ەگەر ماسەلەنى قالاي شەشۋ كەرەگىن بىلمەسەڭىزدەر، وندا وڭىرلەرگە كەدەرگى جاساماڭىزدار. سوڭىندا وڭىرلەر كىنالى دەپ جابا سالماڭىزدار!”،- دەدى ول.
