Mádenıet jáne aqparat mınıstri Aıda Balaeva eldi shýlatqan "Habar" arnasyndaǵy "Biraq" baǵdarlamasyna qatysty málimdeme jasady, dep habarlaıdy "Adyrna" ulttyq portaly. Bul týraly ol óziniń Facebook-tegi paraqshasynda jazdy.
Turmystyq zorlyq-zombylyq taqyryby qozǵalǵan "Biraq" baǵdarlamasynyń shyǵarylymy qoǵamda úlken rezonans týdyrǵan bolatyn. Mınıstr atalmysh jaǵdaıdy nazardan tys qaldyrmady:
"Otbasylyq qundylyqtardy nasıhattaý, ana men balany qorǵaý jónindegi qyzmetti úılestirý, otbasylyq-turmystyq zorlyq-zombylyqqa qarsy is-qımyldy nasıhattaý Mınıstrliktiń basty mindetteriniń biri.
Óz kezeginde, 11 naýryzdan bastap «Habar» arnasynda otbasyndaǵy áleýmettik máselelerin kóterip, ony sheshýge baǵyttalǵan «Biraq...» baǵdarlamasynyń shyǵarylymy uıymdastyryldy. Alaıda, tikeleı efırdegi berilgen shyǵarylymda redakııa baǵdarlamanyń dittegen maqsatyna jete almaı, keıipkerdi jańylystyrý arqyly qoǵamda túrli pikirler týyndatty" dedi ol.
Aıda Balaeva telarnada bolǵan jaǵdaı úlken sabaq bolǵanyn atap, tok-shoýdyń jabylatynyn jazdy:
"Memlekettik ıdeologııany júrgizip otyrǵan memlekettik telearna bundaı olqylyqqa jol bermeýi tıis edi.
Eń aldymen, redakııa barlyq etıkalyq normalardy saqtap, otbasylyq-turmystyq zorlyq-zombylyq pen arandatýshylyqqa jol bermeýge, keıipkerlerdi kópshilik aldynda qorlamaý qajet edi.
Sondyqtan telearna redakııasyna bul úlken sabaq bolady dep sanaımyz. Atalǵan tok-shoý jabylady" delindi mınıstr postynda.
