Mädeniet jäne aqparat ministrı Aida Balaeva eldı şulatqan "Habar" arnasyndaǧy "Bıraq" baǧdarlamasyna qatysty mälımdeme jasady, dep habarlaidy "Adyrna" ūlttyq portaly. Būl turaly ol özınıŋ Facebook-tegı paraqşasynda jazdy.
Tūrmystyq zorlyq-zombylyq taqyryby qozǧalǧan "Bıraq" baǧdarlamasynyŋ şyǧarylymy qoǧamda ülken rezonans tudyrǧan bolatyn. Ministr atalmyş jaǧdaidy nazardan tys qaldyrmady:
"Otbasylyq qūndylyqtardy nasihattau, ana men balany qorǧau jönındegı qyzmettı üilestıru, otbasylyq-tūrmystyq zorlyq-zombylyqqa qarsy ıs-qimyldy nasihattau Ministrlıktıŋ basty mındetterınıŋ bırı.
Öz kezegınde, 11 nauryzdan bastap «Habar» arnasynda otbasyndaǧy äleumettık mäselelerın köterıp, ony şeşuge baǧyttalǧan «Bıraq...» baǧdarlamasynyŋ şyǧarylymy ūiymdastyryldy. Alaida, tıkelei efirdegı berılgen şyǧarylymda redaksiia baǧdarlamanyŋ dıttegen maqsatyna jete almai, keiıpkerdı jaŋylystyru arqyly qoǧamda türlı pıkırler tuyndatty" dedı ol.
Aida Balaeva telarnada bolǧan jaǧdai ülken sabaq bolǧanyn atap, tok-şoudyŋ jabylatynyn jazdy:
"Memlekettık ideologiiany jürgızıp otyrǧan memlekettık telearna būndai olqylyqqa jol bermeuı tiıs edı.
Eŋ aldymen, redaksiia barlyq etikalyq normalardy saqtap, otbasylyq-tūrmystyq zorlyq-zombylyq pen arandatuşylyqqa jol bermeuge, keiıpkerlerdı köpşılık aldynda qorlamau qajet edı.
Sondyqtan telearna redaksiiasyna būl ülken sabaq bolady dep sanaimyz. Atalǧan tok-şou jabylady" delındı ministr postynda.
Ūqsas jaŋalyqtar
