دەپۋتات سوۆەتبەك مەدەباەۆ پرەمەر-مينيستر ولجاس بەكتەنوۆكە تازالىققا قاتىستى دەپۋتاتتىق ساۋال جولدادى، دەپ حابارلايدى "ادىرنا" ءتىلشىسى Tengrinews.kz-كە سىلتەپ.
دەپۋتات اۋانىڭ، سۋدىڭ جانە توپىراقتىڭ شەكتەن تىس لاستانۋىن ايتتى.
مەدەباەۆ اتاپ وتكەندەي، سوڭعى جىلدارى قازاقستان قورشاعان ورتانى قورعاۋ تيىمدىلىگى رەيتينگىندە 180 ەلدىڭ اراسىندا 93-ءشى ورىنعا جايعاسىپ، ناميبيا، گابون جانە زيمبابۆە سياقتى ەلدەرمەن سالىستىرعاندا ارتتا قالعان.
دەپۋتاتتىڭ ايتۋىنشا، قازاقستاندا استانا، الماتى، اقتوبە، قاراعاندى، جەزقازعان جانە تەمىرتاۋ سياقتى قالالاردا اۋانىڭ لاستانۋ دەڭگەيى جوعارى. مۇنىڭ ءبارى ادامداردىڭ ءومىرى مەن دەنساۋلىعىنا كەرى اسەرىن تيگىزەدى.
«جەزقازعان مەن ساتباەۆ قالالارىندا وڭىردەگى وندىرىستىك كاسىپورىندارداعى زياندى گازداردى سۇزۋگە ارنالعان قوندىرعىلاردى جاڭعىرتۋ جۇمىستارى دەر كەزىندە جۇرگىزىلمەسە، وڭىردەگى ەكولوگيالىق جاعداي كۇرت ناشارلاۋى مۇمكىن»، - دەدى سەناتور.
مەدەباەۆ ونەركاسىپتىك كاسىپورىنداردان شىققان قالدىقتاردىڭ اشىق جەردە ساقتالاتىنىنا الاڭداۋلى.
