Depýtat Sovetbek Medebaev Premer-mınıstr Oljas Bektenovke tazalyqqa qatysty depýtattyq saýal joldady, dep habarlaıdy "Adyrna" tilshisi Tengrinews.kz-ke siltep.
Depýtat aýanyń, sýdyń jáne topyraqtyń shekten tys lastanýyn aıtty.
Medebaev atap ótkendeı, sońǵy jyldary Qazaqstan qorshaǵan ortany qorǵaý tıimdiligi reıtınginde 180 eldiń arasynda 93-shi orynǵa jaıǵasyp, Namıbııa, Gabon jáne Zımbabve sııaqty eldermen salystyrǵanda artta qalǵan.
Depýtattyń aıtýynsha, Qazaqstanda Astana, Almaty, Aqtóbe, Qaraǵandy, Jezqazǵan jáne Temirtaý sııaqty qalalarda aýanyń lastaný deńgeıi joǵary. Munyń bári adamdardyń ómiri men densaýlyǵyna keri áserin tıgizedi.
«Jezqazǵan men Sátbaev qalalarynda óńirdegi óndiristik kásiporyndardaǵy zııandy gazdardy súzýge arnalǵan qondyrǵylardy jańǵyrtý jumystary der kezinde júrgizilmese, óńirdegi ekologııalyq jaǵdaı kúrt nasharlaýy múmkin», - dedi senator.
Medebaev ónerkásiptik kásiporyndardan shyqqan qaldyqtardyń ashyq jerde saqtalatynyna alańdaýly.
