پرەزيدەنت قازاقستاندىقتاردى ورازا ايت مەرەكەسىمەن قۇتتىقتادى

مەملەكەت باسشىسى قاسىم-جومارت توقاەۆ مۇسىلمان قاۋىمىن ورازا ايت مەيرامىمەن قۇتتىقتاپ، ونىڭ ەرەكشە رۋحاني ماڭىزىن اتاپ ءوتتى، دەپ حابارلايدى "ادىرنا".

«بۇل – بۇكىل مۇسىلمان قاۋىمى ءۇشىن ءمان-ماڭىزى ەرەكشە، قاسيەتتى مەرەكە. وسى مەيرامدا رۋحاني تازارۋ مەن پاراساتتىلىق، سابىرلىق پەن قاناعاتشىلدىق، ءوزارا سىيلاستىق پەن تىلەكتەستىك، جاناشىرلىق پەن جاقسىلىق قۇندىلىقتارى دارىپتەلەدى. وتىز كۇن ورازا تۇتقان جۇرت يمانىن بايىتىپ، كەمەلدىككە ۇمتىلادى. ءتوزىمىن شىڭداپ، توڭىرەگىنە قامقورلىق تانىتادى. يگى ىستەرگە ۇيىتقى بولىپ، مۇقتاج جاندارعا قول ۇشىن سوزادى»، - دەپ جازىلعان قۇتتىقتاۋدا.

مەملەكەت باسشىسىنىڭ قۇتتىقتاۋ ماتىنىندە ورازا ايتتىڭ رۋحاني تازارۋ، سابىرلىق، قاناعات، ءوزارا قۇرمەت پەن جاناشىرلىق سياقتى قۇندىلىقتاردى نىعايتاتىنى ايتىلعان. سونداي-اق، ورازا ۇستاعان جانداردىڭ يمانى كۇشەيىپ، ءتوزىمى ارتىپ، اينالاسىنا قامقورلىق تانىتاتىنى ەرەكشە اتاپ ءوتىلدى.

"بيىل ورازا ايت مەيرامى ناۋرىز مەرەكەسىمەن قاتار كەلىپ، ەل دامۋىنداعى جاڭا تاريحي كەزەڭنىڭ جارشىسىنا اينالدى. مۇنىڭ سيمۆولدىق ءمانى زور.
قازاقستان حالقى جاڭا اتا زاڭدى قابىلداپ، جارقىن بولاشاققا، ادىلەتتىلىك پەن وركەندەۋگە باستايتىن جولدى تاڭدادى. كونستيتۋتسيالىق رەفورمانى جاپپاي قولداۋ ارقىلى ۇلت تاريحىنىڭ جاڭا پاراعىن اشتى. 

بارشاڭىزعا زور دەنساۋلىق، باق-بەرەكە، تولايىم تابىس تىلەيمىن!" - دەدى توقاەۆ.