بۇگىن - جازۋشى، فيلولوگيا عىلىمىنىڭ كانديداتى بەكەجان تىلەگەنوۆتىڭ تۋعان كۇنى، دەپ حابارلايدى "ادىرنا" ءتىلشىسى.
ول 1934 جىلى 10 ناۋرىزدا بۇرىنعى سەمەي وبلىسىندا تۋعان.
قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەن ستۋدەنت ءوز ەڭبەك جولىن رەسپۋبليكالىق گازەتتەن باستاعان.
بەكەجان تىلەگەنوۆ "لەنينشىل جاس" گازەتىندە ادەبي قىزمەتكەر رەتىندە ەڭبەك جولىن باستاعان.
كەيىننەن ءبولىم مەڭگەرۋشىسى، 1965 جىلى پارتيالىق جۇمىسقا اۋىسىپ، الماتى قالالىق پارتيا كوميتەتىنىڭ ۇگىت جانە ناسيحات ءبولىمىنىڭ نۇسقاۋشىسى بولىپ قىزمەت اتقاردى.
«قازاق سوۆەت ادەبيەتىنىڭ ينتەرناتسيونالدىق داستۇرلەرى جانە ونىڭ ۇلتتىق نەگىزىنىڭ بايۋ جولدارى» دەگەن تاقىرىپتا كانديداتتىق ديسسەرتاتسيا قورعاپ، «قۇرمەت بەلگىسى» وردەنىمەن ماراپاتتالعان.
جازۋشىنىڭ "تاڭ نۇرى" اتتى اڭگىمەلەرى، "كوكتەم دە ىزعارلى" اتتى پوۆەسى، "اققاينار", "تۇيىق ءومىردىڭ قۇپياسى", "ۋاقىت" سىندى بىرقاتار روماندارى مەن كوپتەگەن ادەبي ەڭبەكتەرى بار.
جازۋشى بەكەجان تىلەگەنوۆ "سەكسەن التىنشى جىل" ەڭبەگىندە سول كەزدەگى ساياسي جۇيە، جەلتوقسان وقيعاسى تۋرالى العاش جازعانداردىڭ ءبىرى.
ول 1998 جىلى ومىردەن ءوتتى.
