ترانسكاسپي حالىقارالىق كولىك جولىنىڭ ءرولى قازاقستان مەن ءازىربايجاننان بولەك، بۇكىل الەم ءۇشىن ماڭىزدى، دەپ حابارلايدى "ادىرنا" ءتىلشىسى.
بۇل تۋرالى مەملەكەت باسشىسى ءوز سۇحباتىندا ايتتى.
ء"ازىربايجان سياقتى قازاقستان دا ەلدىڭ كولىك-لوگيستيكالىق الەۋەتىن نىعايتۋ بويىنشانا بەلسەندى ساياسات جۇرگىزىپ كەلەدى. جاسىرمايمىن، بۇل ءبىز ءۇشىن ستراتەگيالىق مىندەت.
2030 جىلعا قاراي 11 مىڭ شاقىرىمدى جوندەپ، 5 مىڭ شاقىرىمنان استام جاڭا تەمىر جول سالۋدى كوزدەپ وتىرمىز. بۇل ەلدىڭ كولىكتىك مۇمكىندىكتەرىن ايتارلىقتاي ارتتىرادى.
بۇگىنگى تاڭدا ترانسكونتينەنتالدىق ساۋدانى ىلگەرىلەتۋ مەن دامىتۋداعى ترانسكاسپي حالىقارالىق كولىك مارشرۋتىنىڭ نەمەسە «ورتالىق ءدالىز» دەپ اتالاتىن جولدىڭ ءرولى تەز ءوستى. بۇعان وسى باعىت بويىنشا 2022 جىلى ەكى ەسەگە، ال 2023 جىلى تاعى 65 پايىزعا ارتىپ، 2,7 ميلليون توننا جۇككە (2022 جىلى – 1,7 ميلليون توننا) دەيىن وسكەن جۇك تاسىمالداۋ كولەمى دالەل", - دەدى پرەزيدەنت.
كاسپي جاعالاۋىنداعى تەڭىز پورتتارىمىزدى اۋقىمدى جاڭعىرتۋعا ەرەكشە كوڭىل بولىنبەك.
"10 ملن توننا. بۇل ءۇشىن سۇرانىس تا، تەحنولوگيالىق مۇمكىندىك تە بار. سوندىقتان استانا مەن باكۋ بۇل سالادا كەشەندى قادامدار جاساۋدا. سونىمەن قاتار، قازاقستان، ءازىربايجان جانە گرۋزيا تەمىرجول ۇيىمدارىنىڭ جۇك تاسىمالداۋ كولەمىن ۇلعايتۋ ءۇشىن «ءبىر تەرەزە» فورماتىندا قىزمەت كورسەتەتىن Middle Corridor Multimodal Ltd. بىرلەسكەن كاسىپورنى قۇرىلدى.
جول بويىندا ەڭ سوڭعى تسيفرلىق تەحنولوگيالار قولدانىلادى. ول ءۇشىن ۇزدىكسىز تسيفرلىق ءدالىز ازىرلەگەن كوپۇلتتى سينگاپۋرلىق PSA كومپانياسىن تارتتىك.
ءبىز تەمىرجول كولىگى سالاسىندا يننوۆاتسيالىق شەشىمدەردى ەنگىزۋ ءۇشىن Huawei, Wabtec, Alstom سياقتى جاھاندىق ويىنشىلارمەن بەلسەندى تۇردە ىنتىماقتاسامىز. ولار سالانى باسەكەگە قابىلەتتى جانە ءتيىمدى ەتەدى.
جالپى، ترانسكاسپي حالىقارالىق كولىك جولى ۇلكەن الەۋەتكە يە. جوبانى جۇزەگە اسىرۋدا قازاقستان مەن ءازىربايجاننىڭ ءرولى وتە زور", - دەدى قر پرەزيدەنتى.
