تۇركيا پرەزيدەنتى 31 ناۋرىزدا وتەتىن مۋنيتسيپالدى سايلاۋعا قاتىسادى، دەپ حابارلايدى "ادىرنا" ءتىلشىسى dw.com-عا سىلتەپ.
تۇركيادا ناۋرىز ايىنىڭ سوڭىندا وتەتىن مۋنيتسيپالدى سايلاۋ ەلدىڭ قازىرگى پرەزيدەنتى رەجەپ تايىپ ەردوعان ءۇشىن سوڭعى سايلاۋ بولادى.
بۇل تۋرالى ەردوعان TÜGVA جاستار ۇيىمىنىڭ وتىرىسىندا مالىمدەگەن.
دەگەنمەن، 70 جاستاعى ساياساتكەر ءوزى جەتەكشىلىك ەتەتىن كونسەرۆاتيۆتى ادىلەت جانە دامۋ پارتياسى ەردوعان مەملەكەت باسشىسى قىزمەتىنەن كەتكەننەن كەيىن دە بيلىكتە قالاتىنىنا سەنىم بىلدىرگەن.
"مەن ءوز قىزمەتىممەن توقتاۋسىز اينالىسىپ جاتىرمىن، دەم الۋعا ۋاقىت تاپپايمىز. بۇل مەن ءۇشىن سوڭعى سايلاۋ", - دەدى ەردوعان TRT Haber تەلەارناسىندا.رەجەپ تايىپ ەردوعان تۇركيادا 20 جىلدان استام بيلىكتە بولدى. 2003 جىلى ول العاش رەت پرەمەر-مينيستر، 2014 جىلى پرەزيدەنت بولىپ سايلاندى. 2018 جىلى ەردوعان جوعارى مەملەكەتتىك لاۋازىمعا قايتا سايلاندى. 2023 جىلى ول پرەزيدەنتتىك سايلاۋدا جەڭىسكە جەتتى. قازىرگى مەملەكەت باسشىسىنىڭ وكىلەتتىگى 2028 جىلى اياقتالادى. بۇعان دەيىن تۇركيا پرەزيدەنتى رەجەپ تايىپ ەردوعان سايلاۋدا جەڭىلگەن جاعدايدا رەسپۋبليكا باسشىسى قىزمەتىنەن ەش وكىنبەستەن كەتۋگە نيەتتى ەكەنىن ايتقان بولاتىن.
ۇقساس جاڭالىقتار
