Túrkııa prezıdenti 31 naýryzda ótetin mýnııpaldy saılaýǵa qatysady, dep habarlaıdy "Adyrna" tilshisi dw.com-ǵa siltep.
Túrkııada naýryz aıynyń sońynda ótetin mýnııpaldy saılaý eldiń qazirgi prezıdenti Rejep Taıyp Erdoǵan úshin sońǵy saılaý bolady.
Bul týraly Erdoǵan TÜGVA jastar uıymynyń otyrysynda málimdegen.
Degenmen, 70 jastaǵy saıasatker ózi jetekshilik etetin konservatıvti Ádilet jáne damý partııasy Erdoǵan memleket basshysy qyzmetinen ketkennen keıin de bılikte qalatynyna senim bildirgen.
"Men óz qyzmetimmen toqtaýsyz aınalysyp jatyrmyn, dem alýǵa ýaqyt tappaımyz. Bul men úshin sońǵy saılaý", - dedi Erdoǵan TRT Haber telearnasynda.
Rejep Taıyp Erdoǵan Túrkııada 20 jyldan astam bılikte boldy. 2003 jyly ol alǵash ret premer-mınıstr, 2014 jyly prezıdent bolyp saılandy. 2018 jyly Erdoǵan joǵary memlekettik laýazymǵa qaıta saılandy. 2023 jyly ol prezıdenttik saılaýda jeńiske jetti. Qazirgi memleket basshysynyń ókilettigi 2028 jyly aıaqtalady.
Buǵan deıin Túrkııa prezıdenti Rejep Taıyp Erdoǵan saılaýda jeńilgen jaǵdaıda respýblıka basshysy qyzmetinen esh ókinbesten ketýge nıetti ekenin aıtqan bolatyn.
