قازاقستاندا تۇڭعىش رەت نايليا بازانوۆا اتىنداعى عالىم ايەلدەرگە ارنالعان ۇلتتىق عىلىم اكادەمياسىنىڭ ماراپاتى تاعايىندالدى. بۇل ماراپات وتاندىق عىلىمنىڭ ودان ءارى دامۋىن ىنتالاندىرۋ ماقساتىندا دايىندالدى، دەپ حابارلايدى «ادىرنا» ءتىلشىسى.
ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆ عىلىمدى دامىتۋدا ارۋلاردىڭ ۇلەسى وراسان زور ەكەنىنە توقتالا كەلە، عالىمداردىڭ جالپى سانىنىڭ 60%-عا جۋىعىن قۇرايتىنىن ايتتى.
شارا بارىسىندا پرەزيدەنت جانىنداعى قازاقستان رەسپۋبليكاسىنىڭ ۇلتتىق عىلىم اكادەمياسى عالىم ارۋلاردىڭ ەڭبەگىن جوعارى باعالاپ، سالتاناتتى جاعدايدا قۇرمەت گراموتالارىمەن ماراپاتتادى.
جيىنعا ەلىمىزدىڭ ءار وڭىرىنەن 70-تەن استام جەتەكشى عالىم-ايەلدەر قاتىستى. وسى سالتاناتتى شاراعا ر.ب.سۇلەيمەنوۆ اتىنداعى شىعىستانۋ ينستيتۋتىنىڭ باس عىلىمي قىزمەتكەرى، ت.ع.د.، پروفەسسور، قر ۇعا كوررەسپوندەنت-مۇشەسى مەرۋەرت ابۋسەيىتوۆا قاتىسىپ، قۇرمەت گراموتاسىمەن ماراپاتتالدى.
