ورالداعى «اتامەكەن» ونەر ورداسىندا مۇناي جانە گاز ونەركاسىبى قىزمەتكەرلەرى كۇنىنە وراي سالتاناتتى شارا ءوتتى.
مۇناي-گاز كەشەنى – ەلىمىزدىڭ ستراتەگيالىق سالالارىنىڭ ءبىرى. بۇل سالادا اۋقىمدى جوبالار ىسكە اسىرىلۋدا، وندىرىستەر جاڭعىرتىلۋدا، جاڭا تەحنولوگيالار ەنگىزىلۋدە، ءوڭىردىڭ الەۋمەتتىك ينفراقۇرىلىمى دامۋدا. وتكەن جىلى مۇناي-گاز كاسىپورىندارىنىڭ تۇراقتى جانە ءتيىمدى جۇمىسىنىڭ ارقاسىندا اق جايىق ءوڭىرىنىڭ ۇلتتىق ەكونوميكاداعى جەتەكشى رولىنەن ايرىلمادى. ء بىزدىڭ ءوڭىر رەسپۋبليكا بويىنشا مۇناي ءوندىرۋ كولەمى جاعىنان اتىراۋ مەن ماڭعىستاۋ وبلىستارىنان كەيىنگى ءۇشىنشى ورىندا تۇر. ەلىمىزدەگى وندىرىلگەن مۇنايدىڭ 14,4%-ى – وبلىستىڭ ۇلەسىندە. مۇناي مەن كوندەنساتتىڭ الىناتىن قورى شامامەن 329 ملن توننانى قۇرايدى، ال گاز قورى 882,6 ملرد تەكشە مەتردەن اسادى. 2024 جىلى 12,6 ملن توننا سۇيىق كومىرسۋتەكتەر ءوندىرىلدى. 2030 جىلعا قاراي قاراشىعاناق كەن ورنى ەسەبىنەن مۇناي ءوندىرۋدى 13,9 ملن تونناعا دەيىن جەتكىزۋ جوسپارلانعان. سونداي-اق روجكوۆسكوە كوندەنسات كەن ورنىندا («ورال ويل گاز» جشس) جۇمىستار جۇرگىزىلۋدە. وڭىردە بىرقاتار جوبالاردى جۇزەگە اسىرۋ جوسپارعا ەنگىزىلگەن.
– قاراشىعاناق كەن ورنىندا مۇناي ءوندىرۋ پولكىن قولداۋ جوبالارى اياسىندا 5-ءشى كەرى ايداۋ كومپرەسسورىنىڭ قۇرىلىسى اياقتالىپ، 6-شى كومپرەسسوردىڭ قۇرىلىسى جالعاسۋدا. جوبانى 2026 جىلى اياقتاۋ مەجەلەنگەن. اۋكتسيوندىق تەتىك ارقىلى ىسكە اسىرۋعا بەرىلەتىن جەر قويناۋىنىڭ بوس جانە كەلەشەگى مول ۋچاسكەلەرى بار. 2024 جىلى جەر قويناۋىنىڭ ءبىر ۋچاسكەسى (شىڭعىس-تەلسۋ ۋچاسكەسى) بويىنشا اۋكتسيون وتكىزىلدى. ءبۇل كۇندەرى ۋچاسكە بويىنشا بارلاۋ جوبالاۋ قۇجاتىن جاساۋ ءۇشىن گەولوگيالىق-گەوفيزيكالىق ماتەريالدار زەردەلەنۋدە. وڭىردەگى گاز ءوندىرۋدىڭ نەگىزگى ۇلەسىن مۇناي-گاز كوندەنساتى بولىپ تابىلاتىن قاراشىعاناق كەن ورنى قامتاماسىز ەتەدى. اتالعان كەن ورنىنىڭ تەحنيكالىق شارتتارىن ەسكەرە وتىرىپ، مۇناي ءوندىرۋ ءۇشىن وندىرىلگەن گازدى كەرى ايداۋدى جۇزەگە اسىرۋ قاجەت، – دەدى جيىندا سالا قىزمەتكەرلەرى مەن ارداگەرلەرىن قۇتتىقتاعان وبلىس اكىمىنىڭ ورىنباسارى ميراس مۇلكاي.
باياندامشىنىڭ ايتۋىنشا، 2024 جىلى گاز ءوندىرۋ 23,9 ملرد م3 قۇرادى، ايداۋ ۇلەسى 14,2 ملرد م3 بولدى. 2025 جىلدىڭ 8 ايىنىڭ قورىتىندىسى بويىنشا كومىرسۋتەك شيكىزاتىن ءوندىرۋ كولەمى: گاز –17,4 ملن تەكشە مەتر، مۇناي جانە گاز كوندەنساتى – 8,4 ملن توننا قۇرادى. كەلەشەكتە 2029 جىلعا دەيىن گاز ءوندىرۋدى تيىسىنشە 22,4 -تەن 31,3 ملرد م3-گە دەيىن ۇلعايتۋ كوزدەلگەن. ا،ىمداعى جىلى تاۋارلىق گاز الۋ ماقساتىندا قاراشىعاناق اكتسيونەرلەرىمەن بىرلەسە وتىرىپ، قۋاتتىلىعى جىلىنا 4 ملرد م3-گە دەيىنگى گاز وڭدەۋ زاۋىتىنىڭ قۇرىلىسى جوباسىن جۇزەگە اسىرۋدىڭ تۇجىرىمدامالىق شەشىمدەرىنە قول جەتكىزىلدى. بۇل جوبانى 2028 جىلعا دەيىن ىسكە اسىرۋ جوسپارلانعان. 2023 جىلدىڭ جەلتوقسانىندا روجكوۆسكوە كەن ورنىندا العاشقى گاز ءوندىرىسى ورنى پايدالانۋعا بەرىلدى. شيكى گاز «جايىقمۇناي» جشس-نىڭ گاز وڭدەۋ زاۋىتىندا وڭدەلەدى. سونىمەن بىرگە، كەلەشەكتە كامەنسكو-تەپلوۆسكو-توكارەۆسكايا كەن ورىندارى توبىن (الۋ قورى 42,3 ملرد م3 گاز) ىسكە قوسۋ جوسپارلانۋدا. وڭىردە مۇناي-گاز سالاسىن دامىتۋ جانە جەتىلدىرۋ جونىندەگى جۇمىس دايەكتى تۇردە جالعاسپاق.
ءىس-شارادا ء«مۇنايشى» قوعامدىق قورىنىڭ بق فيليالىنىڭ ديرەكتورى ب. ماحۋوۆ، «كپو ب. ۆ.» كومپانياسىنىڭ كادرلاردى باسقارۋ بويىنشا ديرەكتورى س. ءىزباساروۆا ارىپتەستەرىن كاسىبي مەرەكەمەن قۇتتىقتادى. وسى سالادا ادال ەڭبەك ەتىپ، ەل دامۋىنا ۇلەس قوسىپ جۇرگەن بىرقاتار مامان وبلىس اكىمىنىڭ العىس حاتىمەن ماراپاتتالدى.
تاۋەلسىزدىك جىلدارى ەلىمىز قارا التىننىڭ يگىلىگىن مولىنان كوردى. وسى جىلدار ىشىندە مۇناي ءوندىرىسى ءتورت ەسە ءوستى. مەملەكەتىمىزدىڭ دامۋى مەن حالىقتىڭ ءال-اۋقاتىن ارتتىرۋداعى ستراتەگيالىق تىرەك مۇناي-گاز سالاسى وڭىردە دە دامۋ قارقىنىنان تانباق ەمەس.
