يران بيلىگى ءبىر جىلدا 834 ادامدى ءولىم جازاسىنا كەسكەن، دەپ حابارلايدى "ادىرنا" ءتىلشىسى.
2023 جىلى ورىن العان ءولىم جازاسى سوڭعى سەگىز جىلداعى ەڭ جوعارى كورسەتكىش بولعان.
يران رەسپۋبليكاسىنىڭ بيلىگى تەك 215 ءولىم جازاسى تۋرالى اقپاراتتى رەسمي تۇردە جاريالادى. بۇل قاتاڭ ۇكىمدەردى ورىنداۋ فاكتىلەرىنىڭ جالپى سانىنىڭ 15% عانا قۇرايدى.
2015 جىلى يسلام ەلىندە 972 ادام ءولىم جازاسىنا كەسىلگەن ەدى.
يران ادام قۇقىقتارى (Iran Human Rights) ۇيىمى مەن فرانتسياداعى «ءولىم جازاسىنا قارسى بىرگە» ۇيىمى جاساعان ورتاق مالىمدەمەدە يران رەجيمى بيلىكتى ساقتاپ قالۋ ءۇشىن حالىقتى ۇرەيمەن ۇستاۋعا دەن قويعانى ايتىلۋدا. يراننىڭ ادام قۇقىقتارى جونىندەگى جەتەكشىسى ماحمۇد ءامىر-مۇقادامنىڭ ايتۋىنشا، بۇل تاراپتا ءولىم جازاسى ەڭ ماڭىزدى قۇرالعا اينالعان.
دارعا اسىلعانداردىڭ 167-ءسى نەگىزىنەن سەپاراتيستىك ارەكەتى ءۇشىن ايىپتالعانى حابارلاندى.
"قوعامنان قورقۋ — بيلىكتى ساقتاۋدىڭ جالعىز جولى، ال ءولىم جازاسى — رەجيمنىڭ ماڭىزدى قۇرالى", — دەپ ءتۇسىندىردى يرانداعى ادام قۇقىقتارى ۇيىمىنىڭ ديرەكتورى ماحمۋد امەري-موگاددام ستاتيستيكاعا.
ءولىم جازاسىنا كەسىلگەندەردىڭ اراسىندا ەكى كامەلەتكە تولماعاندار مەن 22 ايەل بار. سوڭعى كورسەتكىش 2013 جىلدان بەرگى رەكوردتىق كورسەتكىش بولىپ تابىلادى.
