وزبەكستان مەن قىرعىزستاننىڭ سىرتقى ىستەر مينيسترلىكتەرى تاياۋ شىعىستاعى احۋالدىڭ شيەلەنىسۋىنە بايلانىستى رەسمي مالىمدەمە جاسادى، دەپ حابارلايدى "ادىرنا" ۇلتتىق پورتالى.
وزبەكستان ءسىم ءيزرايلدىڭ يرانعا قارسى اسكەري وپەراتسياسى ادام شىعىنىنا اكەلگەنىن اتاپ ءوتتى.
«بارلىق تاراپتى اسكەري ارەكەتتەردى دەرەۋ توقتاتۋعا جانە قاقتىعىستى ساياسي-ديپلوماتيالىق جولمەن شەشۋگە شاقىرامىز»، – دەلىنگەن مينيسترلىك مالىمدەمەسىندە.تاشكەنت جاعدايدىڭ ودان ءارى ۋشىعۋى وڭىردە اۋقىمدى قاقتىعىسقا اكەپ سوعۋى مۇمكىن ەكەنىن ايتىپ، وزبەكستاننىڭ ايماقتىق تۇراقتىلىقتى نىعايتۋعا جانە شيەلەنىستى ازايتۋ بويىنشا كۇش-جىگەرگە جاردەمدەسۋگە دايىن ەكەنىن اتاپ ءوتتى. قىرعىزستان ءسىم دە يزرايل مەن يران اراسىنداعى شيەلەنىستىڭ كۇشەيۋىنە بايلانىستى الاڭداۋشىلىق ءبىلدىردى.
«بىشكەك تاراپتاردى سابىر ساقتاۋعا جانە جاعدايدى ۋشىقتىراتىن ارەكەتتەردەن باس تارتىپ، بەيبىت جولمەن شەشىم ىزدەۋگە شاقىرادى»، – دەلىنگەن مالىمدەمەدە.13 ماۋسىمعا قاراعان ءتۇنى يزرايل اسكەري-اۋە كۇشتەرى يران اۋماعىنداعى ونداعان نىسانعا، سونىڭ ىشىندە يادرولىق ينفراقۇرىلىمعا، زىمىران بازالارىنا جانە اسكەري باسقارۋ پۋنكتتەرىنە ءىرى اۋە سوققى جاساعان.
ۇقساس جاڭالىقتار
