اقتوبە وبلىسىندا جول اپاتىنان ءتورت بالا مەن ءتورت ەرەسەك ادام قازا تاپتى، دەپ حابارلايدى "ادىرنا" ۇلتتىق پورتالى.
«اقتوبە وبلىسىنىڭ پوليتسيا دەپارتامەنتى «اقتوبە-استراحان» تاس جولىندا ەكى كولىكتىڭ سوقتىعىسۋىنان سەگىز ادامنىڭ ولىمىنە اكەپ سوقتىرعان جول-كولىك وقيعاسى بويىنشا سوتقا دەيىنگى تەرگەۋ امالدارىن جۇرگىزۋدە. 6 ناۋرىز كۇنى ساعات 8.10-دا اقتوبە-استراحان تاس جولىندا «تەمىر-موست» ستانساسى ماڭىندا Lada Largus جانە Toyota Hilux كولىكتەرىنىڭ قاتىسۋىمەن جول-كولىك وقيعاسى بولدى. اپات سالدارىنان لارگۋس تولىعىمەن جانىپ كەتتى. بىرقاتار ادام قازا تاپتى، ونىڭ تورتەۋى بالالار»، - دەپ حابارلادى سارسەنبى كۇنى اقتوبە وبلىستىق پوليتسيا دەپارتامەنتىنىڭ ءباسپاسوز قىزمەتى.
قازا تاپقانداردىڭ جەكە باسى انىقتالىپ جاتىر.
«الدىن الا مالىمەت بويىنشا، قازا تاپقان بالالار تەمىر اۋدانى كەڭقياق اۋىلىنداعى مەكتەپ وقۋشىلارى. تەرگەۋ اياسىندا جول-كولىك وقيعاسىنىڭ سەبەپتەرىن جانە زارداپ شەككەندەردى انىقتاۋ شارالارى جۇرگىزىلۋدە»، - دەپ تولىقتىردى پوليتسەيلەر.
