اتىراۋدا جولاۋشى قوعامدىق كولىكتىڭ جۇرگىزۋشىسىنە قول كوتەرگەن، دەپ حابارلايدى "ادىرنا" ءتىلشىسى اتىراۋ وبلىستىق پد-عا سىلتەپ.
جۇرگىزۋشىنى بالاعاتتاپ، سوققىعا جىققان ەر ادام قازىر ۇستالدى.
اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتى اۆتوبۋس جۇرگىزۋشىسىن سوققىعا جىققان ەر ادامنىڭ جاسى 47-دە ەكەنىن حابارلادى.
"بۇگىن، 5 ناۋرىز كۇنى ساعات 14:40 شاماسىندا 47 جاستاعى ەر ادام №22 باعىتتا قاتىنايتىن قوعامدىق كولىكتىڭ جۇرگىزۋشىسىنە كۇش قولدانىپ، ۇرىپ-سوققان. قازىر 49 جاستاعى جۇرگىزۋشىگە كەلتىرىلگەن دەنە جاراقاتىن انىقتاۋ ماقساتىندا سوت-مەديتسينالىق ساراپتاما تاعايىندالدى. ۇستالعان كۇدىكتىگە قاتىستى بۇزاقىلىق دەرەگىمەن سوتقا دەيىنگى تەرگەپ-تەكسەرۋ امالدارى باستالدى", - دەپ حابارلادى وبلىستىق دەپارتامەنتتىڭ ءباسپاسوز قىزمەتى.
قاتتى سوققى سالدارىنان جۇرگىزۋشىنىڭ بەتى مەن كوزى ءىسىپ كەتكەن. جولاۋشى ۆاليداتوردى دا قوسا سىندىرعان.
ۇقساس جاڭالىقتار
