Атырауда жолаушы қоғамдық көліктің жүргізушісіне қол көтерген, деп хабарлайды "Адырна" тілшісі Атырау облыстық ПД-ға сілтеп.
Жүргізушіні балағаттап, соққыға жыққан ер адам қазір ұсталды.
Атырау облыстық Полиция департаментінің баспасөз қызметі автобус жүргізушісін соққыға жыққан ер адамның жасы 47-де екенін хабарлады.
"Бүгін, 5 наурыз күні сағат 14:40 шамасында 47 жастағы ер адам №22 бағытта қатынайтын қоғамдық көліктің жүргізушісіне күш қолданып, ұрып-соққан. Қазір 49 жастағы жүргізушіге келтірілген дене жарақатын анықтау мақсатында сот-медициналық сараптама тағайындалды. Ұсталған күдіктіге қатысты бұзақылық дерегімен сотқа дейінгі тергеп-тексеру амалдары басталды", - деп хабарлады облыстық департаменттің баспасөз қызметі.
Қатты соққы салдарынан жүргізушінің беті мен көзі ісіп кеткен. Жолаушы валидаторды да қоса сындырған.