Atyrauda jolauşy qoǧamdyq kölıktıŋ jürgızuşısıne qol kötergen, dep habarlaidy "Adyrna" tılşısı Atyrau oblystyq PD-ǧa sıltep.
Jürgızuşını balaǧattap, soqqyǧa jyqqan er adam qazır ūstaldy.
Atyrau oblystyq Polisiia departamentınıŋ baspasöz qyzmetı avtobus jürgızuşısın soqqyǧa jyqqan er adamnyŋ jasy 47-de ekenın habarlady.
"Bügın, 5 nauryz künı saǧat 14:40 şamasynda 47 jastaǧy er adam №22 baǧytta qatynaityn qoǧamdyq kölıktıŋ jürgızuşısıne küş qoldanyp, ūryp-soqqan. Qazır 49 jastaǧy jürgızuşıge keltırılgen dene jaraqatyn anyqtau maqsatynda sot-medisinalyq saraptama taǧaiyndaldy. Ūstalǧan küdıktıge qatysty būzaqylyq deregımen sotqa deiıngı tergep-tekseru amaldary bastaldy", - dep habarlady oblystyq departamenttıŋ baspasöz qyzmetı.
Qatty soqqy saldarynan jürgızuşınıŋ betı men közı ısıp ketken. Jolauşy validatordy da qosa syndyrǧan.
Ūqsas jaŋalyqtar
