5 تامىزدا STAR.VISION كومپانياسى قىتايدىڭ شاندۋن پروۆينتسياسى جاعالاۋىنداعى تەڭىز پلاتفورماسىنان Samarkand-2028 جانە Lampung-1 گيپەرسپەكترالدى سپۋتنيكتەرىن ءساتتى ۇشىردى، دەپ حابارلايدى «ادىرنا» ءتىلشىسى Daryo اگەنتتىگىنە سىلتەمە جاساپ.
"Samarkand-2028" سپۋتنيگى – وزبەكستان تاريحىنداعى ەڭ ءىرى حالىقارالىق عارىش جوبالارىنىڭ ءبىرى. جوبا ەلدىڭ ۇلتتىق عارىش باعدارلاماسىن دامىتۋدىڭ جاڭا كەزەڭىن باستاپ قانا قويماي، وزبەكستان مەن قىتاي اراسىنداعى عىلىمي-تەحنولوگيالىق ىنتىماقتاستىقتى ودان ءارى نىعايتۋعا ىقپال ەتپەك.
جوبا اياسىندا وزبەكستان عارىش اگەنتتىگىنىڭ ماماندارى سپۋتنيكتىڭ بورتتىق جۇيەسىنە ارنالعان ارنايى جاساندى ينتەللەكت ءمودۋلىن ازىرلەگەن. بۇل تەحنولوگيا گيپەرسپەكترالدى دەرەكتەردى تىكەلەي وربيتادا وڭدەپ، اقپاراتتى بەرۋ مەن كەيىنگى تالداۋدىڭ تيىمدىلىگىن ارتتىرادى.
"Samarkand-2028" ميسسياسى عارىشتىق تەحنولوگيالاردى اۋىل شارۋاشىلىعىندا، ەكولوگيادا، تابيعي رەسۋرستاردى باقىلاۋدا، سۋ رەسۋرستارىن باسقارۋدا، توتەنشە جاعدايلاردىڭ الدىن الۋدا، قالا قۇرىلىسى مەن باسقا دا ستراتەگيالىق ماڭىزدى سالالاردا قولدانۋ مۇمكىندىگىن كەڭەيتەدى.
«Samarkand-2028» اتاۋىنىڭ سيمۆولدىق ءمانى بار. ول 2025 جىلى سيدنەيدە وتكەن حالىقارالىق استروناۆتيكا كونگرەسىندە (IAC) قابىلدانعان شەشىممەن بايلانىستى. سوعان سايكەس، 2028 جىلى 79-شى حالىقارالىق استروناۆتيكا كونگرەسى سامارقاند قالاسىندا وتەدى.
