قازاقستاندا ەكىنشى اتوم ەلەكتر ستانتسياسىنىڭ (اەس) سالىناتىن جەرى بيىل كۇزگە دەيىن بەلگىلى بولادى. بۇل تۋرالى پرەمەر-ءمينيستردىڭ ءبىرىنشى ورىنباسارى رومان سكليار مالىمدەدى، دەپ حابارلايدى "ادىرنا".
سكلياردىڭ ايتۋىنشا، جوبانى جۇزەگە اسىرۋدا قىتايلىق CNNC كومپانياسى تەحنيكالىق سەرىكتەس رەتىندە قاتىسادى.
«كۇزگە قاراي ناقتىسى، قۇرىلىس الاڭى انىقتالادى. ءتىپتى بۇل اقپارات ودان دا ەرتەرەك جاريالانۋى مۇمكىن»، – دەدى سكليار«ورتالىق ازيا – قىتاي» ءسامميتىنىڭ الاڭىندا وتكەن بريفينگتە.
ۆيتسە-پرەمەردىڭ ايتۋىنشا، قازىرگى ۋاقىتتا تەحنيكو-ەكونوميكالىق نەگىزدەمە (تەن) ازىرلەنىپ جاتىر. بۇل قۇجات دايىن بولمايىنشا، قۇرىلىس مەرزىمى مەن جوبانىڭ ناقتى قۇنى تۋرالى ايتۋ مۇمكىن ەمەس.
«ەشبىر قۇرىلىسشى تەن-سىز ناقتى باعانى ايتا المايدى. سوندىقتان الدىمەن تولىق نەگىزدەمە ازىرلەنەدى»، – دەپ ءتۇسىندىردى سكليار.
بۇعان دەيىن قازاقستاننىڭ اتوم ەنەرگەتيكاسى اگەنتتىگى العاشقى اەس «روساتوم» تەحنولوگياسىمەن سالىناتىنىن رەسمي تۇردە حابارلاعان بولاتىن. ال ەكىنشى ستانتسيانى قىتايدىڭ مەملەكەتتىك كورپوراتسياسى – CNNC سالماق،
