قازاقستان قىتايعا 1,5 مىڭ اقبوكەن سىيلاماق. اتالعان شەشىمدى پرەزيدەنت قاسىم-جومارت توقاەۆ قابىلداعان جانە جاۋاپتى مينيسترلىككە تاپسىرما جۇكتەگەن، دەپ حابارلايدى "ادىرنا".
قىتايعا بەرىلەتىن 1500 كيىك سول ەلدەگى كيىك پوپۋلياتسياسىن قالىپقا كەلتىرۋگە باعىتتالعان.
"قازاقستان پرەزيدەنتى قاسىم-جومارت توقاەۆ قىتايدا كيىك پوپۋلياتسياسىن قالپىنا كەلتىرۋ ماقساتىندا ولاردى قىتايدىڭ باتىس بولىگىنە قونىستاندىرۋ ءۇشىن 1 500 كيىكتى سىيعا بەرۋ تۋرالى شەشىم قابىلداعانىن مالىمدەدى", – دەپ جازىلعان رەسمي حابارلامادا.
قحر توراعاسى سي تسزينپين بۇل شەشىم ءۇشىن ەل پرەزيدەنتىنە العىسىن جاۋدىردى، سەبەبى بۇل قىتاي ۇكىمەتى ءۇشىن ۇلكەن كومەك بولماق.
ەكولوگيا جانە تابيعي رەسۋرستار مينيسترلىگى ءدال وسىنداي تاپسىرمانىڭ بارىن راستادى جانە ماسەلەنى شەشۋگە، جۇمىستى جۇيەلى اتقارۋعا كۇش سالىپ جاتقانىن جەتكىزدى.
بۇعان دەيىن وتاندىق باق-تا كيىك سانىن رەتتەۋ ءىس-شارالارى كۇزدە باستالۋى مۇمكىن ەكەنى كوپ جازىلدى.
دەسە دە، ماماندار كيىك سانىن رەتتەۋگە، اۋلاۋعا قاتىستى عالىمداردىڭ بيولوگيالىق نەگىزدەمەسى ءالى دايىن ەمەس ەكەنىن العا تارتتى.
ءدال وسى قۇجاتقا، سايكەس، كيىكتىڭ بەلگىلى ءبىر سانىن اۋلاۋ ماسەلەسى وڭ شەشىمىن تابۋى ىقتيمال. سونىمەن قاتار، اڭشىلارعا انالىق كيىكتى عانا اتۋعا رۇقسات بەرىلۋى مۇمكىن.
