جاقىندا عانا اباقتىدان شىققان قايرات بورانباەۆ جۋرناليستەردىڭ ساۋالىنا جاۋاپ بەردى، دەپ حابارلايدى "ادىرنا" ءتىلشىسى Dalanews-كە سىلتەپ.
پاراليمپيادالىق دايىندىق ورتالىعىندا قايرات بورانباەۆ باق وكىلدەرىمەن كەزدەسىپ، بيزنەسىنە قاتىستى سۇراقتارعا جاۋاپ بەردى.
"قايرات" فۋتبول كلۋبى - جالعىز جەكە كلۋب. ءيا، جارناما مەن بارلىق دەمەۋشى كومپانيانىڭ قۇيعانى. بارلىق كومپانيا جۇمىس ىستەيدى. شىنىمدى ايتسام، كومپانيالارعا جۇمىس ىستەۋگە رۇقسات بەرىلگەنىنە ريزامىن. ءبىزدىڭ حولدينگ - باسقارۋشى كومپانيا. بىزدە بارلىق بيزنەس جۇمىس ىستەيدى. ءيا، پروبلەمالار بار، بۇل - قالىپتى جاعداي، بارىندە پروبلەمالار بار شىعار", - دەدى بورانباەۆ.
سونداي-اق، بورانباەۆ McDonald's فاستفۋد جەلىسىن قازاقستانعا قايتارعىسى كەلەتىنىن دە جاسىرمادى.
"McDonald’s قازاقستانعا ورالعىسى كەلسە ونى ويلاستىرامىز. بۇل برەند قازاقستاندا تانىمال. سەگىز جىل ىشىندە كوپ نارسەنى ۇيرەندىك، ارنايى ستاندارتتاردى ساقتادىق. ارينە، McDonald’s قازاقستانعا ورالعانىن قالار ەدىك، ول ءۇشىن ازداعان ۋاقىت قاجەت", - دەيدى قايرات بورانباەۆ.
ايتا كەتەيىك، بىلتىر 6 قاراشادا قايرات بورانباەۆ بوستاندىققا شىقتى. بەلگىلى كاسىپكەر نازارباەۆ اۋلەتىنىڭ ەكس-قۇداسى. كاسىپكەر اباقتىدا بولعاندا استانانىڭ ورتالىعىنداعى 4 جۇلدىزدى قوناقۇيدى، باسقا دا ءبىراز مۇلىكتى مەملەكەت مەنشىگىنە تاپسىردى.
