Eurasian Resources Group (ERG) جانە "ەۋرازيالىق قارجى كومپانياسىنىڭ" ءىرى اكتسيونەرى الەكساندر ماشكەۆيچتىڭ قايتىس بولعانى تۋرالى اقپاراتتى ERG ءباسپاسوز قىزمەتى راستادى، دەپ حابارلايدى "ادىرنا" ۇلتتىق پورتالى كازتاگ-قا سىلتەپ.
ەلدەگى ءىرى قارجىلىق الپاۋىتتىڭ ءبىرى ماشكەۆيچ قازاقستانداعى ەڭ تانىمال كاسىپكەرلەردىڭ ءبىرى بولدى. ول ENRC كومپانياسىنىڭ نەگىزىن قالاۋشىلاردىڭ ءبىرى ءارى اكتسيونەرى رەتىندە تانىمال. سونداي-اق، Eurasian Resources Group (ERG) ديرەكتورلار كەڭەسىنىڭ توراعاسى قىزمەتىن اتقاردى.
قازاقستانعا قوسا يزرايل ازاماتى ەكەنى ايتىلاتىن "قازاق-يزرايل وليگارحى" اتالاتىن الەكساندر ماشكەۆيچ 72 جاسىندا قايتىس بولدى. ونىڭ بايلىعى شامامەن 4 ميلليارد دوللاردى قۇرايدى.
ERG قۇرامىنا "قازحروم" ترانسۇلتتىق كومپانياسى، سوكولوۆ-سارىباي تاۋ-كەن بايىتۋ وندىرىستىك بىرلەستىگى، "قازاقستان ءاليۋمينيى", قازاقستان ەلەكتروليز زاۋىتى جانە باسقا دا كاسىپورىندار كىرەدى.
بيزنەسمەن "ەۋرازيالىق قارجى كومپانياسى" مەن "ەۋرازيالىق بانك" ديرەكتورلار كەڭەستەرىنىڭ توراعاسى، قازاقستان پرەزيدەنتى جانىنداعى شەتەلدىك ينۆەستورلار كەڭەسىنىڭ مۇشەسى، سونداي-اق قر ات سپورتى فەدەراتسياسىنىڭ قۇرمەتتى پرەزيدەنتى بولعان.
بيزنەسىن 4 قۇرلىقتا جۇرگىزەتىن الەكساندر ماشكەەۆيچتىڭ ايىقپاس اۋىر دەرتكە شالدىعىپ، ۇزاق ۋاقىت اۋىرعانى بەلگىلى بولدى.
