Jaqynda ǧana abaqtydan şyqqan Qairat Boranbaev jurnalisterdıŋ saualyna jauap berdı, dep habarlaidy "Adyrna" tılşısı Dalanews-ke sıltep.
Paralimpiadalyq daiyndyq ortalyǧynda Qairat Boranbaev BAQ ökılderımen kezdesıp, biznesıne qatysty sūraqtarǧa jauap berdı.
"Qairat" futbol kluby - jalǧyz jeke klub. İä, jarnama men barlyq demeuşı kompaniianyŋ qūiǧany. Barlyq kompaniia jūmys ısteidı. Şynymdy aitsam, kompaniialarǧa jūmys ısteuge rūqsat berılgenıne rizamyn. Bızdıŋ holding - basqaruşy kompaniia. Bızde barlyq biznes jūmys ısteidı. İä, problemalar bar, būl - qalypty jaǧdai, bärınde problemalar bar şyǧar", - dedı Boranbaev.Sondai-aq, Boranbaev McDonald's fastfud jelısın Qazaqstanǧa qaitarǧysy keletının de jasyrmady.
"McDonald’s Qazaqstanǧa oralǧysy kelse ony oilastyramyz. Būl brend Qazaqstanda tanymal. Segız jyl ışınde köp närsenı üirendık, arnaiy standarttardy saqtadyq. Ärine, McDonald’s Qazaqstanǧa oralǧanyn qalar edık, ol üşın azdaǧan uaqyt qajet", - deidı Qairat Boranbaev.Aita keteiık, byltyr 6 qaraşada Qairat Boranbaev bostandyqqa şyqty. Belgılı käsıpker Nazarbaev äuletınıŋ eks-qūdasy. Käsıpker abaqtyda bolǧanda Astananyŋ ortalyǧyndaǧy 4 jūldyzdy qonaqüidı, basqa da bıraz mülıktı memleket menşıgıne tapsyrdy.
Ūqsas jaŋalyqtar
