كسرو-نى جوققا شىعارعان مەدۆەدەۆ "ىقپالداستىق بولىگىن قايتارۋعا" قاتىستى پىكىر ءبىلدىردى، دەپ حابارلايدى "ادىرنا" ءتىلشىسى.
رەسەي فەدەراتسياسى قاۋىپسىزدىك كەڭەسى توراعاسىنىڭ ورىنباسارى، ەكس-پرەزيدەنت دميتري مەدۆەدەۆ كەڭەستىك سوتسياليستىك رەسپۋبليكالار وداعىنىڭ بۇرىنعىداي قايتا جاندانا المايتىنىن ايتتى. ول بۇل جايىندا 4 ناۋرىزدا الەمدىك جاستار فەستيۆالى اياسىندا كراسنودارداعى سيريۋس اۋماعىندا وتكەن ء"بىلىم. بىرىنشىلەر" مارافونىندا مالىمدەدى.
"مەن كسرو-دا دۇنيەگە كەلدىم، ءوستىم، وندا وقىدىم. ءبىلىمىم ءۇشىن كەڭەس وداعىنا قارىزدارمىن. بىراق ءبىر سۋعا ەكى رەت كىرۋ مۇمكىن ەمەس، ال كەڭەس وداعىن سول كۇيىندە جانداندىرۋ مۇمكىن ەمەس. كەڭەس وداعى رەسەي يمپەرياسىنىڭ لايىقتى مۇراگەرى بولدى", - دەدى ول.
مەدۆەدەۆتىڭ ايتۋىنشا، رەسەي يمپەرياسى اتا-بابالاردىڭ ونداعان ۇرپاقتارىنىڭ ەڭبەگىمەن قۇرىلدى.
"يمپەريا عاسىرلار بويى ونىڭ ينتەگرالدى بولىكتەرىمەن: ۇلى، كىشى جانە جاڭا رەسەيمەن بىرگە قۇرىلدى", - دەگەن ەدى.
رەسەي فەدەراتسياسى قاۋىپسىزدىك كەڭەسى توراعاسىنىڭ ورىنباسارى "بۇل اۋماقتار كەرى قايتارىلۋى كەرەك" دەپ اتاپ ءوتتى.
