ورال – باتىس قازاقستان وبلىسىنىڭ ورتالىعى. ول جايىق وزەنىنىڭ وڭ جاعالاۋىندا ورنالاسقان. 1613 جىلى نەگىزى قالانعان بۇل قالانىڭ 408 جىلدىق تاريحى بار. وتكەن عاسىرلاردا ا.س. پۋشكين، م.ا. شولوحوۆ، ۆ.ا. جۋكوۆسكي، ۆ.ي.دال، ل.ن. تولستوي، ي.ا. كرىلوۆ جانە باسقا دا كوپتەگەن مادەنيەت جانە ونەر قايراتكەرى وسى شاھاردا قوناق بولىپ، ساياحات جاساعان.
قالاعا قالاي جەتۋگە بولادى؟
ورالعا بىرنەشە قالادان تىكەلەي رەيسپەن ۇشىپ كەلۋگە بولادى. نازارلارىڭىزعا ناۋرىز ايىنا ارنالعان اۆيابيلەت قۇنىن ۇسىنامىز.
اقتاۋ – ورال (26 000 - 98 000 تەڭگە);
الماتى – ورال (38 000 – 66 000 تەڭگە);
استانا – ورال (29 000 – 78 000 تەڭگە).
اۋەجاي قالا ورتالىعىنان 17 كم قاشىقتىقتا ورنالاسقان. تاكسيدىڭ ورتاشا باعاسى – 2 000 تەڭگە. پويىز بيلەتىنىڭ ورتاشا قۇنى
الماتى – ورال: پلاتسكارت – 15 000 تەڭگە، كۋپە – 22 000 تەڭگە. جول ءجۇرۋ ۇزاقتىعى 2 كۇن، 11 ساعات، 25 مينۋتتى قۇرايدى. ال «تۇلپار-تالگو» جۇردەك پويىزىمەن 1 كۇن، 16 ساعات، 45 مينۋتتا جەتەسىز. باعاسى – 28 000 تەڭگە.
استانا – ورال: پلاتسكارت – 8 900 تەڭگە، كۋپە – 13 400 تەڭگە. جول ءجۇرۋ ۇزاقتىعى – 1 كۇن، 14 ساعات، 40 مين.
شىمكەنت – ورال: پلاتسكارت – 11 400 تەڭگە، كۋپە – 17 125 تەڭگە.
اقتوبە – ورال: پلاتسكارت – 3 200 تەڭگە، كۋپە – 4 800 تەڭگە. پويىز كۇن سايىن جۇرەدى.
قالا ىشىندەگى اۆتوبۋسپەن ءجۇرۋ اقىسى: ەرەسەكتەر ءۇشىن – 100 تەڭگە، ال بالالارعا –50 تەڭگە. تاكسي باعاسى – 800- 1 500 تەڭگە شاماسىندا.
قايدا تۇراقتاۋعا بولادى؟
باسقا ءىرى شاھارلارمەن سالىستىرعاندا، بۇل قالادا پاتەر جالداۋ اقىسى الدەقايدا تومەن. ءبىر تاۋلىككە جالداۋ قۇنى 6 مىڭ تەڭگەدەن باستالدى. ال ءبىر بولمەلى ءۇيدى ۇزاق مەرزىمگە جالداۋ ورتاشا ەسەپپەن 60 000- 80 000 تەڭگەگە شىعادى.
«پۋشكين» قوناقۇيى وڭىردە ەرەكشە تانىمالدىلىققا يە. وندا ءبىر كۇن قوناقتاۋ شامامەن 40 مىڭ تەڭگەنى قۇرايدى. قولجەتىمدى قوناقۇيلەر تىزىمىنە «ۆيكتوريا»، «Europa Hotel»، «Tropicana Inn» كىرەدى. كورىكتى جەرلەر:
شالقار كولى. ورالدىڭ تاڭعاجايىپ مارجانى قالادان 125 كم قاشىقتىقتا ورنالاسقان. ونىڭ تابيعاتى ەرەكشە: ءبىر جاعىندا تۇزدى باتپاقتار، ەكىنشى جاعىندا شەكسىز دالا، وڭتۇستىگى مەن سولتۇستىگىندە ساساي مەن سانتاس تاۋلارى. «شالقار» دەمالىس بازاسىندا كيىز ۇيلەر بار. 1 كۇنگە جالداۋ باعاسى 8 000 مىڭ تەڭگەدەن باستالادى.
حان توعايى. بۇل 200 جىلدان استام ۋاقىت بويى ورالدىقتاردىڭ سۇيىكتى دەمالىس ورنىنا اينالعان قاراعايلى ورمان القابى. ءدال وسى جەردە جاڭگىر بوكەيۇلىن كيىزگە كوتەرىپ، حان ەتىپ سايلاعان ەدى. توعايدا سيرەك كەزدەسەتىن وسىمدىكتەردىڭ الۋان ءتۇرى كەزدەسەدى. وتباسىڭىزبەن جانە دوستارىڭىزبەن سەۋىل قۇرىپ، تازا اۋادا دەمالعىڭىز كەلسە، حان توعايىنا بارۋعا كەڭەس بەرەمىز.
جەڭىس الاڭى. سوعىس ارداگەرلەرىنە ارنالىپ سالىنعان الاڭ پۋگاچەۆ كوشەسىنىڭ بويىندا ورنالاسقان. جايىق وزەنى جاعاسىندا ماڭگىلىك الاۋ مەن ستەللا بوي كەتەرگەن. ماڭگىلىك الاۋ جانىندا ەكىنشى دۇنيەجۇزىلىك سوعىستان ورالماعان باتىسقازاقستاندىق جاۋىنگەرلەردىڭ اتى-جوندەرى بار.
قالالىق مادەنيەت جانە دەمالىس ساياباعى. نەگىزى وسىدان 181 جىل بۇرىن قالانعان ساياباق شاعان وزەنىنىڭ جاعاسىندا ورنالاسقان. اۋماعى 24 گەكتارعا جەتەدى. بۇل جەردە ءتورت مىڭنان استام اعاش وسەدى. ساياباقتىڭ ءبىر بولىگى جۇرگىنشىلەرگە ارنالسا، ەكىنشى ءبىر بولىگىندە كوپتەگەن اتتراكتسيون بار.
تۇڭعىش پرەزيدەنت الاڭى. قازاقستاننىڭ تۇڭعىش پرەزيدەنتىنىڭ قۇرمەتىنە اتالعان الاڭ 2018 جىلى بوي كوتەردى. ول – دەمالۋعا ارنالعان كەرەمەت ورىنداردىڭ ءبىرى. بۇل جەردە بالالاردىڭ الاڭسىز ويناۋىنا جاعداي جاسالعان. جاقىندا جۇگىرۋ الاڭى ىسكە قوسىلدى..
ەڭ ۇزدىك تاماقتانۋ ورىندارى:
«نا ۆىسوتە» جازعى مەيرامحاناسى. ورتاشا چەك – 7 000 تەڭگە.
«تيپا گراف» لاۋنج-بارى. ورتاشا چەك – 4 000 تەڭگە. «حۋتوروك» مەيرامحاناسى. ورتاشا چەك – 5 000 تەڭگە. «مايدا» كافەسى. ورتاشا چەك – 3 000 تەڭگە.
«B.for» كافەسى. ورتاشا چەك – 3 000 تەڭگە.
قانداي مۇراجايلارعا بارعان ءجون؟
ورال – تاريحي قالا. قالادا مۇراجايلار مەن كورمە ەكسپوزيتسيالارى وتە كوپ. باتىس استاناسىنا قىدىرىپ كەلسەڭىز، مىندەتتى تۇردە مۋزەيلەردى ارالاپ شىعۋعا تىرىسىڭىز. نازارلارىڭىزعا ەڭ ۇزدىك 5 مۇراجايدى ۇسىنامىز:
پۋگاچەۆ مۇراجاي ءۇيى
باتىس قازاقستان وبلىستىق تاريحي-ولكەتانۋ مۋزەيى مانشۇك مامەتوۆا اتىنداعى مۇراجاي-ءۇيى
«ستارىي ۋرالسك» مۇراجايى
عابدوللا توقاي مۇراجايى.
