Oral – Batys Qazaqstan oblysynyń ortalyǵy. Ol Jaıyq ózeniniń oń jaǵalaýynda ornalasqan. 1613 jyly negizi qalanǵan bul qalanyń 408 jyldyq tarıhy bar. Ótken ǵasyrlarda A.S. Pýshkın, M.A. Sholohov, V.A. Jýkovskıı, V.I.Dal, L.N. Tolstoı, I.A. Krylov jáne basqa da kóptegen mádenıet jáne óner qaıratkeri osy shaharda qonaq bolyp, saıahat jasaǵan.
Qalaǵa qalaı jetýge bolady?
Oralǵa birneshe qaladan tikeleı reıspen ushyp kelýge bolady. Nazarlaryńyzǵa naýryz aıyna arnalǵan avıabılet qunyn usynamyz.
Aqtaý – Oral (26 000 - 98 000 teńge);
Almaty – Oral (38 000 – 66 000 teńge);
Astana – Oral (29 000 – 78 000 teńge).
Áýejaı qala ortalyǵynan 17 km qashyqtyqta ornalasqan. Taksıdiń ortasha baǵasy – 2 000 teńge. Poıyz bıletiniń ortasha quny
Almaty – Oral: plakart – 15 000 teńge, kýpe – 22 000 teńge. Jol júrý uzaqtyǵy 2 kún, 11 saǵat, 25 mınýtty quraıdy. Al «Tulpar-Talgo» júrdek poıyzymen 1 kún, 16 saǵat, 45 mınýtta jetesiz. Baǵasy – 28 000 teńge.
Astana – Oral: plakart – 8 900 teńge, kýpe – 13 400 teńge. Jol júrý uzaqtyǵy – 1 kún, 14 saǵat, 40 mın.
Shymkent – Oral: plakart – 11 400 teńge, kýpe – 17 125 teńge.
Aqtóbe – Oral: plakart – 3 200 teńge, kýpe – 4 800 teńge. Poıyz kún saıyn júredi.
Qala ishindegi avtobýspen júrý aqysy: eresekter úshin – 100 teńge, al balalarǵa –50 teńge. Taksı baǵasy – 800- 1 500 teńge shamasynda.
Qaıda turaqtaýǵa bolady?
Basqa iri shaharlarmen salystyrǵanda, bul qalada páter jaldaý aqysy áldeqaıda tómen. Bir táýlikke jaldaý quny 6 myń teńgeden bastaldy. Al bir bólmeli úıdi uzaq merzimge jaldaý ortasha eseppen 60 000- 80 000 teńgege shyǵady.
«Pýshkın» qonaqúıi óńirde erekshe tanymaldylyqqa ıe. Onda bir kún qonaqtaý shamamen 40 myń teńgeni quraıdy. Qoljetimdi qonaqúıler tizimine «Vıktorııa», «Europa Hotel», «Tropicana Inn» kiredi. Kórikti jerler:
Shalqar kóli. Oraldyń tańǵajaıyp marjany qaladan 125 km qashyqtyqta ornalasqan. Onyń tabıǵaty erekshe: bir jaǵynda tuzdy batpaqtar, ekinshi jaǵynda sheksiz dala, ońtústigi men soltústiginde Sasaı men Santas taýlary. «Shalqar» demalys bazasynda kıiz úıler bar. 1 kúnge jaldaý baǵasy 8 000 myń teńgeden bastalady.
Han toǵaıy. Bul 200 jyldan astam ýaqyt boıy oraldyqtardyń súıikti demalys ornyna aınalǵan qaraǵaıly orman alqaby. Dál osy jerde Jáńgir Bókeıulyn kıizge kóterip, han etip saılaǵan edi. Toǵaıda sırek kezdesetin ósimdikterdiń alýan túri kezdesedi. Otbasyńyzben jáne dostaryńyzben seýil quryp, taza aýada demalǵyńyz kelse, Han toǵaıyna barýǵa keńes beremiz.
Jeńis alańy. Soǵys ardagerlerine arnalyp salynǵan alań Pýgachev kóshesiniń boıynda ornalasqan. Jaıyq ózeni jaǵasynda máńgilik alaý men stella boı ketergen. Máńgilik alaý janynda Ekinshi dúnıejúzilik soǵystan oralmaǵan batysqazaqstandyq jaýyngerlerdiń aty-jónderi bar.
Qalalyq mádenıet jáne demalys saıabaǵy. Negizi osydan 181 jyl buryn qalanǵan saıabaq Shaǵan ózeniniń jaǵasynda ornalasqan. Aýmaǵy 24 gektarǵa jetedi. Bul jerde tórt myńnan astam aǵash ósedi. Saıabaqtyń bir bóligi júrginshilerge arnalsa, ekinshi bir bóliginde kóptegen attrakıon bar.
Tuńǵysh Prezıdent alańy. Qazaqstannyń tuńǵysh prezıdentiniń qurmetine atalǵan alań 2018 jyly boı kóterdi. Ol – demalýǵa arnalǵan keremet oryndardyń biri. Bul jerde balalardyń alańsyz oınaýyna jaǵdaı jasalǵan. Jaqynda júgirý alańy iske qosyldy..
Eń úzdik tamaqtaný oryndary:
«Na vysote» jazǵy meıramhanasy. Ortasha chek – 7 000 teńge.
«Tıpa Graf» laýnj-bary. Ortasha chek – 4 000 teńge. «Hýtorok» meıramhanasy. Ortasha chek – 5 000 teńge. «Maıda» kafesi. Ortasha chek – 3 000 teńge.
«B.for» kafesi. Ortasha chek – 3 000 teńge.
Qandaı murajaılarǵa barǵan jón?
Oral – tarıhı qala. Qalada murajaılar men kórme ekspozıııalary óte kóp. Batys astanasyna qydyryp kelseńiz, mindetti túrde mýzeılerdi aralap shyǵýǵa tyrysyńyz. Nazarlaryńyzǵa eń úzdik 5 murajaıdy usynamyz:
Pýgachev murajaı úıi
Batys Qazaqstan oblystyq tarıhı-ólketaný mýzeıi Mánshúk Mámetova atyndaǵy murajaı-úıI
«Staryı Ýralsk» murajaıy
Ǵabdolla Toqaı murajaıy.
