الكوگولدىك ىشىمدىك ءىشۋ مەن شىلىم شەگۋ ادام دەنساۋلىعىنا زيان دەپ ايتىپ جاتامىز. الايدا سولاي بولا تۇرا زياندى ارەكەتتەن بويىمىزدى اۋلاق ۇستاماي، كەرىسىنشە وعان ءبىر تامان جاقىن تۇراتىنىمىز جاسىرىن ەمەس.
ۋرولوگ دارىگەر ولجاس يمانعاليۇلى الكوگولدىك ىشىمدىك ءىشۋ مەن شىلىم شەگۋ اسىرەسە ەر ادامنىڭ دەنساۋلىعىنا زيان ەكەنىن ايتادى.
«بىراق ءبىز سونى بىلە تۇرا ونى كوپ قولدانامىز. نەگە؟ ەڭ ءبىرىنشى سەبەپ ادەتكە اينالىپ كەتكەن نەمەسە جۇمىستان شارشاپ، سترەسءستى باسۋ ءۇشىن ىشىمدىك ىشۋگە بەيىم تۇرامىز.
ەڭ ءبىرىنشى تەمەكىنىڭ ادام دەنساۋلىعىنا زيان ەكەنىن قىسقاشا ايتىپ وتسەم. تەمەكىنىڭ قۇرامىندا وزدەرىڭىز جاقسى بىلەتىندەي نيكوتين بار. وسى نيكوتين اعزاداعى ميدىڭ ۋلانۋىنا جانە ادامنىڭ ءوزىن جاقسى سەزىنۋىنە الىپ كەلەدى. ءبىز تەمەكى شەككەن كەزدە ۋاقىتشا راحاتتانىپ، دەمالعان سەكىلدى بولامىز. بىراق مۇنىڭ دەنساۋلىققا كەرى اسەرى بار. تەمەكىنىڭ زيانى تىنىس جولدارى ارقىلى وكپەگە ءتۇسىپ، ۇساق قان تامىرلاردىڭ بويىنا ءتۇتىن وتەدى. تەمەكى وكپەنىڭ ءىشىن زاقىمداپ قانا قويماي، سونىمەن قاتار سول ءتۇتىن وكپەنىڭ قابىرعاسىنا شلاك بولىپ جابىسۋ ارقىلى قان تامىرعا توكسيندەر تارايدى. وسى توكسيندەردىڭ اعىزاعا تاراۋى قان ارقىلى باسقا جاققا بارادى. وسىنىڭ سالدارىنان اياقتىڭ اۋرۋلارىنا، تامىرلاردىڭ بىتەلىپ، ينفاركت پەن ينسۋلتكە الىپ كەلەدى. بىردەن قاتەرلى اۋرۋعا تاپ بوملاساڭىز دا, بىرتىندەپ قان تامىرىنىڭ بويىنداعى قاننىڭ اعىسىنىڭ تومەندەۋىنە الىپ كەلەدى. ال قاننىڭ قويۋلانۋىنا الىپ كەلگەننەن كەيىن ءبىزدىڭ اعىزاعا كەرى اسەرىن تيگىزەدى.
ەكىنشى ماسەلە بۇل جىنىس جولدارىنا تۇسەتىن بولسا، ياعني جىنىس جولىنداعى قان تامىرىنىڭ بىتەلۋى ەركەكتىڭ قابىلەتىن تۇسىرەدى. ءتىپتى تەمەكىنىڭ زيانى ۇرىقتىڭ ساپاسىنىڭ بۇزىلۋىنا الىپ كەلەدى»، – دەيدى ول.
ۋرولوگ دارىگەر الكوگولدىك ىشىمدىك ىشكەن ادام نە ىستەپ، نە قويعانىن بىلمەيتىن ەفەرياعا ۇشىراۋى مۇمكىن ەكەنىن ايتادى.
«ىشىمدىك ىشكەن ادامنىڭ ميى ۋلانىپ، قانى قويۋلانىپ، ەركەكتىڭ قابىلەتى تومەندەيدى. سونداي-اق ىشىمدىك ىشكەن ادامنىڭ باۋىرى اۋرۋى مۇمكىن. ەگەر ىشىمدىك ىشەتىن بولساڭىز، باۋىرعا ماي باسىپ,ينسۋلين گارمونىنىڭ بۇزىلۋىنا جانە ارتىق سالماق جيناۋعا الىپ كەلەدى. الكوگولدىك ىشىمدىك ءىشكەننەن كەيىن ادامنىڭ تابەتى اشىلادى. ال تابەتى اشىلعاننان كەيىن شامادان تىس سالماق جينايتىن بولادى. ەگەر اعزاڭىزدى تازا ۇستاپ، ۇزاق ءومىر سۇرگىڭىز كەلسە، ىشىمدىك ءىشۋ مەن تەمەكى شەگۋدەن تىيىلۋ كەرەك. زياندى ارەكەتتەن ارىلا الماي جۇرسەڭىزدەر پسيحولوگتار مەن پسيحوتەراپەۆتءدىڭ كومەگىنە جۇگىنۋگە تۋرا كەلەدى. ەگەر زيانى دۇنيەلەردەن بويىڭىزدى اۋلاق ۇستايتىن بوسلاڭىز ۇزاق ءومىر سۇرەسىز. سەبەبى سىزدە ينسۋلت، ينفارك سەكىلدى اۋرۋلار بولمايدى. دەنساۋلىعىڭىزدىڭ مىقتى بولۋى زياننى ارەكەتتەن اۋلاق بولۋىڭىزعا تىكەلەي بايلانىستى»، – دەيدى ولجاس يمانعاليۇلى.
