Alkogoldik ishimdik ishý men shylym shegý adam densaýlyǵyna zııan dep aıtyp jatamyz. Alaıda solaı bola tura zııandy áreketten boıymyzdy aýlaq ustamaı, kerisinshe oǵan bir taman jaqyn turatynymyz jasyryn emes.
Ýrolog dáriger Oljas Imanǵalıuly alkogoldik ishimdik ishý men shylym shegý ásirese er adamnyń densaýlyǵyna zııan ekenin aıtady.
«Biraq biz sony bile tura ony kóp qoldanamyz. Nege? Eń birinshi sebep ádetke aınalyp ketken nemese jumystan sharshap, stressti basý úshin ishimdik ishýge beıim turamyz.
Eń birinshi temekiniń adam densaýlyǵyna zııan ekenin qysqasha aıtyp ótsem. Temekiniń quramynda ózderińiz jaqsy biletindeı nıkotın bar. Osy nıkotın aǵzadaǵy mıdyń ýlanýyna jáne adamnyń ózin jaqsy sezinýine alyp keledi. Biz temeki shekken kezde ýaqytsha rahattanyp, demalǵan sekildi bolamyz. Biraq munyń densaýlyqqa keri áseri bar. Temekiniń zııany tynys joldary arqyly ókpege túsip, usaq qan tamyrlardyń boıyna tútin ótedi. Temeki ókpeniń ishin zaqymdap qana qoımaı, sonymen qatar sol tútin ókpeniń qabyrǵasyna shlak bolyp jabysý arqyly qan tamyrǵa toksınder taraıdy. Osy toksınderdiń aǵyzaǵa taraýy qan arqyly basqa jaqqa barady. Osynyń saldarynan aıaqtyń aýrýlaryna, tamyrlardyń bitelip, ınfarkt pen ınsýltke alyp keledi. Birden qaterli aýrýǵa tap bomlasańyz da, birtindep qan tamyrynyń boıyndaǵy qannyń aǵysynyń tómendeýine alyp keledi. Al qannyń qoıýlanýyna alyp kelgennen keıin bizdiń aǵyzaǵa keri áserin tıgizedi.
Ekinshi másele bul jynys joldaryna túsetin bolsa, ıaǵnı jynys jolyndaǵy qan tamyrynyń bitelýi erkektiń qabyletin túsiredi. Tipti temekiniń zııany uryqtyń sapasynyń buzylýyna alyp keledi», – deıdi ol.
Ýrolog dáriger alkogoldik ishimdik ishken adam ne istep, ne qoıǵanyn bilmeıtin eferııaǵa ushyraýy múmkin ekenin aıtady.
«Ishimdik ishken adamnyń mıy ýlanyp, qany qoıýýlanyp, erkektiń qabyleti tómendeıdi. Sondaı-aq ishimdik ishken adamnyń baýyry aýrýy múmkin. Eger ishimdik ishetin bolsańyz, baýyrǵa maı basyp,ınsýlın garmonynyń buzylýyna jáne artyq salmaq jınaýǵa alyp keledi. Alkogoldik ishimdik ishkennen keıin adamnyń tábeti ashylady. Al tábeti ashylǵannan keıin shamadan tys salmaq jınaıtyn bolady. Eger aǵzańyzdy taza ustap, uzaq ómir súrgińiz kelse, ishimdik ishý men temeki shegýden tyıylý kerek. Zııandy áreketten aryla almaı júrseńizder psıhologtar men psıhoterapevtdiń kómegine júginýge týra keledi. Eger zııany dúnıelerden boıyńyzdy aýlaq ustaıtyn boslańyz uzaq ómir súresiz. Sebebi sizde ınsýlt, ınfark sekildi aýrýlar bolmaıdy. Densaýlyǵyńyzdyń myqty bolýy zııanny áreketten aýlaq bolýyńyzǵa tikeleı baılanysty», – deıdi Oljas Imanǵalıuly.
