اباي وبلىسىندا زەينەتكەر پوليتسەيلەردىڭ كولىگىن ورتەدى دەگەن كۇدىككە ءىلىندى. بۇل تۋرالى وڭىرلىك پوليتسيا دەپارتامەنتىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«25 قاڭتار كۇنى ساعات 18:10-دا بۇرىن سوتتالعان 66 جاستاعى جەرگىلىكتى تۇرعىن ۋچاسكەلىك پوليتسيا پۋنكتىنىڭ ماڭىندا ماس كۇيدە بولىپ، زاڭسىز ارەكەت جاساعان. ول پوليتسەيلەرگە تيەسىلى Chevrolet Cobalt جانە Changan ماركالى ەكى اۆتوكولىكتى ورتەگەن»، — دەلىنگەن دۇيسەنبىدەگى حابارلامادا.
بۇل فاكتى بويىنشا تەرگەۋ باستالعان.
«كۇدىكتى ۋاقىتشا ۇستاۋ يزولياتورىنا قامالدى»، — دەپ تولىقتىردى پوليتسيا قىزمەتكەرلەرى.
ۇقساس جاڭالىقتار
