تاراز مەتاللۋرگيا زاۋىتىنان ءورت شىقتى. بۇل تۋرالى بۇگىن، 21 ماۋسىم ساعات 02:55-تە توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، جالىن 80 شارشى مەتر اۋماقتى شارپىدى.
ءورت سوندىرۋشىلەر مەتاللۋرگيا زاۋىتىنداعى وتقا ورانعان ترانسفورماتوردى ءسوندىردى.
بۇگىن تۇندە تاراز قالاسىنداعى مەتاللۋرگيا زاۋىتىنىڭ اۋماعىندا جوعارى ۆولتتى ترانسفورماتور جاندى.
ء”ورت ءسوندىرۋ جۇمىسىن ترانسفورماتوردىڭ باگىنداعى 60 توننا ماي قيىنداتتى. قۇتقارۋشىلاردىڭ ۇيلەسىمدى ءىس-قيمىلىنىڭ ارقاسىندا ءتىلسىز جاۋ جاقىن ماڭداعى ترانسفورماتورلار مەن زاۋىت عيماراتىنا تارالمادى. تجم كۇش-قۇرالدارى وتتى ءسوندىردى”، دەلىنگەن حابارلامادا.
زارداپ شەككەندەر جوق. ءورتتىڭ سەبەبى انىقتالىپ جاتىر.
