Aqtöbe oblysynda 1 nauryz künı taŋerteŋ Baiǧanin audandyq ışkı ıster bölımınıŋ aǧa inspektory Ädıl-QaHar Qadırov örtenıp jatqan üiden körşılerın aman alyp qaldy, dep habarlaidy "Adyrna" ūlttyq portaly.
Aitularynşa, er adam jūmysqa bara jatqanda körşı üidıŋ tütındep jatqanyn baiqaǧan. Polisiia qyzmetkerı oilanbastan üige kırıp, ǧimarattyŋ örtenıp jatqanyn köredı.
«Ädıl-Qahar üi iesın aiǧailap oiatyp, kämeletke tolmaǧan üş balany bırınen soŋ bırın köterıp şyǧardy. Kışı bes jasar balany köterıp şyǧyp bara jatqanda ol esın joǧaltyp, qūlap qaldy», - dedı polisiia bölımşesınen.
Osy uaqytta oqiǧa ornyna ört söndıruşıler men jedel järdem qyzmetkerlerı jetıp, zardap şekkenderge üiden şyǧuǧa kömektestı.
«Polisei ulanu saldarynan auruhanaǧa jatqyzyldy. Qazır batyl qadam jasaǧan tärtıp saqşysynyŋ ömırı men densaulyǧyna eşqandau qauıp tönıp tūrǧan joq», - dep tüsındırdı departamenttıŋ baspasöz qyzmetı.
Ūqsas jaŋalyqtar
