رەسەي فەدەراتسياسىنىڭ پرەزيدەنتى ۆلاديمير پۋتين شەشەنستان رەسپۋبليكاسىنىڭ باسشىسى رامزان قادىروۆقا «گەنەرال-لەيتەنانت» اسكەري اتاعىن بەرۋ تۋرالى جارلىققا قول قويدى. بۇل تۋرالى شەشەنستان رەسپۋبليكاسى پارلامەنتىنىڭ توراعاسى ماگومەد داۋدوۆ مالىمدەدى، دەپ حابارلايدى "ادىرنا" سايتى.
«قۇرمەتتى دوستار! قىمباتتى اعام، شەشەنستان رەسپۋبليكاسىنىڭ باسشىسى، رەسەي باتىرى رامزان احماتۇلى قادىروۆتى رەسەي پرەزيدەنتى، جوعارعى قولباسشى ۆلاديمير ءپۋتيننىڭ جارلىعىمەن گەنەرال-لەيتەنانت اسكەري اتاعىنىڭ بەرىلۋىمەن شىن جۇرەكتەن قۇتتىقتايمىن!" دەپ داۋدوۆ ءوزىنىڭ تەلەگرام-كانالىندا جازدى.
سونداي-اق ول شەشەن رەسپۋبليكاسىنداعى حالىقارالىق لاڭكەستىككە قارسى جەڭىسكە جانە رەسەيدىڭ تۇتاستىعىن ساقتاۋعا قادىروۆتىڭ قوسقان ۇلەسىن باعالماي قالۋعا بولمايتىنىن اتاپ ءوتتى.
بۇعان دەيىن قادىروۆ وتباسىنداعى ەر ادامداردىڭ بارلىعى قازىر ۋكراينادا ەكەنىن جانە رەسەيدىڭ ۋكرايناداعى ارنايى وپەراتسياسىنا قاتىسىپ جاتقانىن ايتقان. رەسەي پرەزيدەنتى ۆلاديمير پۋتين بۇل ۋكراينانى دەميليتاريزاتسيالاۋ جانە دەنيتسيفاكتسيالاۋ ءۇشىن جاسالعان ءماجبۇرلى شارا ەكەنىن اتاپ ءوتتى. وعان ناتو-نىڭ كەڭەيۋ قاۋپى جانە ۋكرايناداعى يادرولىق قارۋدىڭ دامۋى سەبەپ بولدى. كيەۆ مينسك كەلىسىمدەرىن دە بۇزدى.
"ادىرنا" ۇلتتىق پورتالى
