بەلگىلى ءانشى نۇرلان البان ەلدى جىك-جىككە بولمەۋگە شاقىردى. بۇل تۋرالى ول Facebook پاراقشاسىندا ۆيدەو جاريالادى، دەپ حابارلايدى “ادىرنا” ۇلتتىق پورتالى.
“مەن تەك قانا البان ەمەسپىن، مەن الاشپىن! مەن تەك قانا البان ەمەسپىن، مەن قازاقپىن!
مۇنى نە ءۇشىن ايتىپ وتىرمىن؟ سايلاۋ قارساڭىندا ەلدىڭ ورتاسىنا ىلاڭ سالىپ، ءبىر اتادان تاراعان ۇرپاقتاردى ءبىر-بىرىنە قارسى قويىپ، وزىنشە بىلگىرسىنىپ، اقىلى اسىپ، ماقالا جازىپ جۇرگەن اعالارىما وكپە نازىم بار ەكەنى راس. سول جازىلعان ماقالانىڭ استىنا پىكىر قالدىرعان ەلدىڭ اقىل توقتاتقان ازاماتتارى، اعالارىم، اپكەلەرىم، جاسى بار، جاسامىسى بار.نەگە سىزدەر ەلدى ەكىگە ءبولىپ جاتسىزدار؟
جاسىم كىشى بولسا دا، ەلگە، رۋعا بولىنبەپ ەدىم. كوڭىلىمىزگە قاياۋ سالاتىنداي، ءبىز ەشقانداي دا قىلمىستىق ىسكە بارىپ جاتپاعانىمىز انىق. نەگە دەسەڭىز؟ “اقىل جاستان” دەيدى. ءبىز دە ارتتارىڭىزدان كەلە جاتقان ۇرپاقتىڭ ءبىرىمىز. مارقۇم التىنبەك اعام 31 جاسىندا مينيستر بولعاندا، الاش بولىپ قۋانعانىمىز قايدا؟ اعامنىڭ جاعاسىنان المادىم، ءىنىمنىڭ كوڭىلىنە قاياۋ سالمادىم. سوندىقتان دا بۇل ءىستى دەرەۋ دوعارىڭىزدار!”،-دەدى نۇرلان البان.
