الماتىدا №41 مەكتەپتىڭ ديرەكتورى جەلىدە تاراعان مەكتەپ گاردەروبىنداعى كەلەڭسىز جاعدايدان كەيىن جۇمىستان بوساتىلدى، دەپ حابارلايدى "ادىرنا" ۇلتتىق پورتالى قالالىق ءبىلىم باسقارماسىنىڭ ءباسپاسوز قىزمەتىنە سىلتەپ.
«27 اقپاندا ەكىنشى اۋىسىمنان كەيىن ءبىرىنشى قاباتتا ورنالاسقان مەكتەپتىڭ كيىم اۋىستىراتىن بولمەسىندە ءبىر توپ وقۋشىلار تاپتالىپ قالدى. وقيعاعا كورسەتىلگەن كۇنى وقۋشىلاردىڭ كيىم اۋىستىرۋ ءتارتىبى دۇرىس قاداعالانباۋى سەبەپ بولدى. بۇل مەكتەپتە بۇرىن سوڭدى مۇنداي جاعداي بولعان ەمەس. مەكتەپ اكىمشىلىگىنىڭ مالىمەتىنشە، زارداپ شەككەندەر جوق. وقۋ ۇدەرىسىن ۇيىمداستىرۋعا باقىلاۋدى السىرەتكەنى ءۇشىن مەكتەپ ديرەكتورى قىزمەتىنەن بوساتىلدى»، - دەپ حابارلادى ءبىلىم باسقارماسى.
اتالمىش مەكتەپتە ەكى اۋىسىممەن 1426 وقۋشى ءبىلىم الادى، جوبالىق سانى 870 ورىن.
«بۇل مەكتەپتە ورىن تاپشىلىعىن شەشۋ ءۇشىن 2023 جىلى «سامعاۋ-2» شاعىن اۋدانىندا 2 مىڭ ورىندىق جايلى مەكتەپتىڭ قۇرىلىسى باستالدى»، - دەپ حابارلادى ءبىلىم باسقارماسىنان.
پوسموترەت ەتۋ پۋبليكاتسيۋ ۆ Instagram
