استانا اكىمى جەڭىس قاسىمبەك LRT قۇرىلىسى قارقىندى ءجۇرىپ جاتقانىن مالىمدەپ، ۆەدومستۆو LRT ءۇشىن ۆاگوندار ساتىپ الۋ جۇمىستارىن باستاعانىن ايتتى، دەپ حابارلايدى "ادىرنا" ۇلتتىق پورتالى.
"بيىل ءبىز ەستاكادالىق بولىك تولىعىمەن اياقتالادى دەپ جوسپارلاپ وتىرمىز، ياعني بەتون جۇمىسى، ەستاكادا بارلىعى كوتەرىلەدى. كەلەسى جىل جوعارعى قۇرىلىستاعى جۇمىستاردى اياقتاۋعا كەتەدى، ياعني رەلستەر، سونىمەن قاتار بيىل ستانتسيالاردىڭ ءبىر بولىگى ءىس جۇزىندە اياقتالادى. سونىمەن قاتار بۇگىندە پويىزدار مەن جابدىقتارعا تاپسىرىس بەرۋ جۇمىستارى جۇرگىزىلۋدە", - دەدى قالا اكىمى جەڭىس قاسىمبەك
ايتا كەتەيىك، 2023 جىلدىڭ 30 ماۋسىمىندا استاناداعى LRT قۇرىلىسىن جالعاستىرۋعا 50 ميلليارد تەڭگە بولىنگەنى حابارلانعان بولاتىن.
"ادىرنا" ۇلتتىق پورتالى
