Astana LRT قىلمىسىنىڭ باستى فيگۋرانتتارىنىڭ ءبىرى، حالىقارالىق ىزدەۋ جاريالانعان قانات سۇلتانبەك وتكەن دەمالىس كۇندەرى نيۋ-يوركتىڭ قىمبات اۋدانىندا دۇركىرەگەن تويدا جۇرگەنى ۆيدەوعا ءتۇسىپ قالدى. بۇل تۋرالى Azattyq Rýhy سايتى جاريالادى، دەپ حابارلايدى “ادىرنا” ۇلتتىق پورتالى.
وعان دالەل رەتىندە قانات سۇلتانبەكتىڭ زاڭدى ايەلى الەۋمەتتىك جەلىدە «ءبىز قايدا بارا جاتىرمىز، تاۋىپ الىڭىزدار»، – دەگەن شولپان سەرگەيقىزى كوپ ۇزاماي امەريكالىق جۇپتىڭ تويىنان ءۇزىندى كورسەتە باستادى.
شاعىن ۆيدەولاردىڭ بىرىندە توي تويلاپ جۇرگەن قانات سۇلتانبەك تە ءجۇر.
«مەن سىزدەردى ۆيدەوعا ءتۇسىرىپ تۇرمىن»، - دەدى شولپان سەرگەيقىزى سۇلتانبەكتى كورسەتىپ.
جالپى، Astana-LRT قۇرىلىسىنا بولىنگەن قاراجاتتى جىمقىرعان قانات سۇلتانبەكتىڭ اقش-تا جۇرگەنىن وسىعان دەيىن ءبىر ەمەس، بىرنەشە باسىلىم بەتتەرى جازعان بولاتىن.
كەيىن سىبايلاس جەمقورلىققا قارسى كۇرەس اگەنتتىگى قانات سۇلتانبەك شىنىمەن دە اقش اۋماعىندا ەكەنىن راستادى. الايدا ءبىزدىڭ قۇقىق قورعاۋ ورگاندارى ونى ەلگە ەكستراديتسيالاۋ ءۇشىن بىرنەشە رەت ارەكەت ەتسە دە، سۇلتانبەكتى ۇستاي الماعان. سەبەبى اقش زاڭناماسىنا سايكەس، قىزىل بيۋللەتەنى بار ادام كوشى-قون تالاپتارىن بۇزباسا، ونى اقش اۋماعىندا جايدان-جاي ۇستاپ الۋعا بولمايدى. ونىڭ ۇستىنە، قازاقستان مەن امەريكا اراسىندا قىلمىسكەرلەردى بەرۋ تۋرالى ەكى جاقتى كەلىسىم بولماعان سوڭ، سۇلتانبەكتى قولعا ءتۇسىرۋ پروتسەسى تىپتەن قيىنداعان.
”ادىرنا” ۇلتتىق پورتالى
