"سوڭعى اقپاراتتارعا سايكەس، شىمكەنتكە ۋاقىتشا قونىستانعان ارىستىقتار "اقمەشىت" مەشىتى الدىندا نارازىلىق شەرۋگە شىقتى. شەرۋگە شىمكەنت قالاسىنىڭ اكىمى عابيدوللا ءابدىراحىموۆ كەلىپ، باسۋ ايتپاق بولىپ ەدى، حالىق "ارىستا تۇرۋعا قارسىمىز، شىمكەنتتەن باسپانا الىپ بەرىڭدەر" دەگەن باستى تالاپ قويىپ وتىر. بۇل ۇسىنىسقا اكىم "شىمكەنتتە باسپاناعا مۇقتاج كوپ بالالى انالارعا، باسقا دا ازاماتتارعا نە دەيمىن؟" دەپ جاۋاپ قايىردى. مۇنداعى قارا حالىقتىڭ نەگىزگى كوزدەگەنى ءۇي ەمەس، رادياتسياعا بارۋعا قارسىلىعى بولىپ تۇر" دەپ حابارلايدى "ادىرنا" ۇلتتىق پورتالىنىڭ ارىسقا اتتانعان ءجۋرناليستى وڭعار قابدەن.
ايتا كەتەيىك، 24 ماۋسىم كۇنى تاڭەرتەڭ ارىستاعى اسكەري وق-ءدارى قويماسىندا الدىمەن ءورت شىعىپ، كەيىن جارىلىستار بولعان. دەنساۋلىق ساقتاۋ مينيسترلىگىنىڭ دەرەگىنشە، جارىلىستان ءۇش ادام مەرت بولىپ، 160-تان استام ادام زارداپ شەككەن.
"ادىرنا" ۇلتتىق پورتالى
