"Sońǵy aqparattarǵa sáıkes, Shymkentke ýaqytsha qonystanǵan Arystyqtar "Aqmeshit" meshiti aldynda narazylyq sherýge shyqty. Sherýge Shymkent qalasynyń ákimi Ǵabıdolla Ábdirahymov kelip, basý aıtpaq bolyp edi, halyq "Arysta turýǵa qarsymyz, Shymkentten baspana alyp berińder" degen basty talap qoıyp otyr. Bul usynysqa ákim "Shymkentte baspanaǵa muqtaj kóp balaly analarǵa, basqa da azamattarǵa ne deımin?" dep jaýap qaıyrdy. Mundaǵy qara halyqtyń negizgi kózdegeni úı emes, radıaııaǵa barýǵa qarsylyǵy bolyp tur" dep habarlaıdy "Adyrna" ulttyq portalynyń Arysqa attanǵan jýrnalısti Ońǵar Qabden.
Aıta keteıik, 24 maýsym kúni tańerteń Arystaǵy áskerı oq-dári qoımasynda aldymen órt shyǵyp, keıin jarylystar bolǵan. Densaýlyq saqtaý mınıstrliginiń dereginshe, jarylystan úsh adam mert bolyp, 160-tan astam adam zardap shekken.
"Adyrna" ulttyq portaly
