تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى «E-Kurultay» يننوۆاتسيالىق جوباسىمەن قالالىق حاكاتون سايىسىندا ۇزدىك تانىلدى. ونەرتابىس قالالىق ماسەلەلەر بويىنشا وتىنىشتەردى بەرۋ جانە وڭدەۋدىڭ قاراپايىم جانە ءتيىمدى ارناسىن ۇسىنا وتىرىپ، ازاماتتاردىڭ جەرگىلىكتى ءوزىن-ءوزى باسقارۋ ورگاندارىمەن ءوزارا ارەكەتتەسۋىن وزگەرتۋگە مۇمكىندىك بەرەدى.
قالالىق حاكاتوندا ينفورماتيكا ءپانىنىڭ مۇعالىمى راۆيل رامازانوۆتىڭ جەتەكشىلىگىمەن جاس يننوۆاتورلار جانىبەك تاڭىرىس، كارىما ماقان، اقارىس باۋىرجانۇلى جانە اباي جايلاۋ ءوز جوباسىن ۇسىندى.
ون ەكى ساعاتتىق مارافون «اقىلدى قالا» تاقىرىبىنا ارنالدى. بايقاۋدى Astana Hub قولداۋىمەن IT Hub Jetisu Digital كومپانياسى ۇيىمداستىردى. ۇزدىك ونەرتاپقىشتار اتاعىنا تالدىقورعان قالاسىنىڭ جەتەكشى وقۋ ورىندارىنان، ونىڭ ىشىندە جمۋ، بيل، 20 ليتسەي جانە باسقا دا قالا مەكتەپتەرىنەن 10 كوماندا باق سىنادى.
تالدىقورعان NIS وقۋشىلارىنان قۇرالعان «Game Masters» كومانداسى حاكاتون قورىتىندىسى بويىنشا ەكىنشى ورىندى يەلەنىپ، 150 مىڭ تەڭگە اقشالاي سەرتيفيكاتپەن ماراپاتتالدى.
جوبا ءار ادامعا مۋنيتسيپالدىق ماسەلەلەردى شەشۋگە وتىنىشتەردى وڭاي جىبەرۋگە مۇمكىندىك بەرەتىن ءموبيلدى قوسىمشا جانە ۆەب-پلاتفورما. وتىنىمدەردى باستاپقى وڭدەۋ ءۇشىن جاساندى ينتەللەكتتى ەنگىزۋ ولاردىڭ تارالۋىن وڭتايلاندىرۋعا جانە قاراۋ پروتسەسىن جىلدامداتۋعا مۇمكىندىك بەرەدى. فۋنكتسيونالدىلىققا وتىنىشتەردىڭ كۇيىن قاداعالاۋ جانە اكىمدىكتەردەن كەرى بايلانىس الۋ پروتسەستەردىڭ اشىقتىعىن ارتتىرۋ جانە جاۋاپتى قوعامدى قالىپتاستىرۋعا ىقپال ەتۋ مۇمكىندىگى بار،— دەيدى «ە- Kurultay» جوباسىنىڭ اۆتورلارى.
ونەرتاپقىشتاردىڭ ايتۋىنشا، «ە- Kurultay» قالا مەنەدجمەنتىن جەتىلدىرۋ قۇرالىن بەرىپ قانا قويماي، ازاماتتاردىڭ شەشىم قابىلداۋ پروتسەسىنە بەلسەندى قاتىسۋىن ىنتالاندىرادى. بۇل تەحنولوگيانىڭ ۇكىمەت پەن حالىق اراسىنداعى كوپىر قىزمەتىن اتقارىپ، قالانى باسقارۋدى نەعۇرلىم اشىق جانە قولجەتىمدى ەتەتىنىن كورسەتەدى. ەڭ باستىسى، ول مەملەكەت باسشىسى قاسىم-جومارت توقاەۆتىڭ «ەستيتىن مەملەكەت» قۇرۋ تۋرالى ۇندەۋىنە جاۋاپ بەرەدى.
«ە- Kurultay» جاستاردىڭ قالانى باسقارۋدىڭ بولاشاعىنا قالاي اسەر ەتىپ، ونىڭ العا جىلجۋىن قامتاماسىز ەتە الاتىنىنىڭ جارقىن ۇلگىسى بولىپ تابىلادى.
جاس ونەرتاپقىشتاردى جانە ينفورماتيكا ءپانىنىڭ مۇعالىمى رامازانوۆ راۆيل گيناياتوۆيچتى لايىقتى جەڭىسىمەن قۇتتىقتايمىز!
