قاراعاندىدا "پارحومەنكو اتىنداعى قاراعاندى ماشينا جاساۋ زاۋىتى" جشس اۋماعىندا تسەحتىڭ شاتىرى ورتەندى،بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
ءورتتىڭ شىعۋىنا نە سەبەپ بولعانى ازىرگە بەلگىسىز.
تجد جوعارى شاقىرۋ دەرەجەسى بويىنشا جۇمىس ىستەۋدە. ءورتتى سوندىرۋگە جەكە قۇرامنىڭ تجد 58 ادامى جانە 16 تەحنيكاسى جۇمىلدىرلدى. الدىن الا بولجام بويىنشا ورت سوندىرۋشىلەر ساعات 07:52-دە 400 شارشى مەترگە جايىلعان قىزىل جالىندى اۋىزدىقتادى.
زارداپ شەككەندەر جوق. ءورتتىڭ سەبەبى انىقتالىپ جاتىر. توتەنشە جاعداي مينيسترلىگىنىڭ مالىمەتىنشە، ساعات 08:22 ءورت تۇگەلدەي ءسوندىرىلدى.
