بۇگىن (25.02.2024) دانيار الپيەۆكە الدانعان ءبىر توپ ساۋداگەر الماتى وبلىستىق پوليتسيا دەپارتامەنتىندە شۋ شىعاردى.
قوناەۆ قالاسىنا كەلگەن كاسىپكەرلەر الەۋمەتتىك جەلىدە دانيار الپيەۆتى، ەرمەك مارقاباەۆتى اقتاپ الۋدى كوزدەيتىن ادۆوكاتتاردىڭ ارەكەتتەرىنە، كورشى مەملەكەتكە نوتا جولداتقان استىرتىن ويىندارعا الاڭداۋلى ەكەندەرىن جەتكىزدى.
قىلمىستىق ارەكەتتى جۇمسارتۋ ءۇشىن جاسالاتىن اقپاراتتىق ناۋقان تەرگەۋگە قىسىم كورسەتۋدىڭ ءبىر ءتۇرى. سوڭعى ۋاقىتتا بۇل ءۇردىس قالىپتى جايتقا اينالىپ، بيشىمباەۆتى دا اقتاپ الۋ ارەكەتتەرى اشكەرە بولۋدا. سوندىقتان، جاپا شەگۋشى تاراپ الماتى وبلىستىق پوليتسيا دەپارتامەنتى باستىعىنىڭ ورىنباسارى سەرىك قاسەنۇلى شالقاروۆقا بىرنەشە سۇراقتى جۇزبە-ءجۇز قويدى:
“ساۋداگەرلەردى سەرگەلدەڭگە سالعان، 2 ملرد-قا جۋىق قارجى جىمقىرعان دانيار الپيەۆتىڭ ۇيىمداسقان توبىنا قانداي شارا قولدانىلدى؟ الاياقتىق بويىنشا قىلمىستىق ءىس قوزعالدى ما (№3 پاۆيلون قۇرىلىسى)? جابىرلەنۋشىلەر سانى قانشاعا جەتتى؟ پاۆيلون قۇرىلىسىنا قارجى جيناۋعا تىكەلەي قاتىسى بار ەرمەك مارقاباەۆ، كاسسير مارجان ەسجانوۆا، بەكەت ءابىلوۆ جانە باسقالارعا نەگە شارا قولدانىلماي جاتىر؟” - دەدى.
بۇگىنگى جيىنعا دانيار الپيەۆتىڭ تۋعان-تۋىستارى دا قاتىسقان. بۇعان دەيىن دانيار الپيەۆتىڭ باسشىلىعىنداعى كومپانيا ءۇشىنشى پاۆيلوندى سالۋ ءۇشىن 300-دەن استام ۇلەسكەردەن زاڭسىز قاراجات جيناعان.
اتاپ ايتقاندا، بازاردىڭ اتقارۋشى ديرەكتورى بولىپ قىزمەت اتقارعان قىرعىز ازاماتى ەرمەك مارقاباەۆ، كاسسادا جۇمىس ىستەگەن مارجان ەسجانوۆا جانە بازاردىڭ باقىلاۋشىسى بەكەت ءابىلوۆ سىندى تۇلعالاردىڭ قاتىسۋىمەن بولعان زاڭسىز قارجى جيناۋ ارەكەتى ءالى كۇنگە دەيىن ءوز شەشىمىن تاپپاعان.
الماتى وبلىسى پوليتسيا دەپارتامەنتىنىڭ باسشىلىعى ۇلەسكەرلەردىڭ كوكەيتەستى ماسەلەسى بويىنشا قىلمىستىق ءىس قوزعالاتىنىن جانە ۇلەسكەرلەردى جابىرلەنۋشى رەتىندە تانيتىندىعىن ايتتى.
قوسىمشا اقپارات بويىنشا بايلانىس ءۇشىن:
ديانا مۇحيتقىزى - 87476826772
