اتىراۋ وبلىسىنىڭ ماقات اۋدانىندا قىزمەتتىك مىندەتىن اتقارىپ جۇرگەن پوليتسەيلەرگە ءبىر توپ جاس شابۋىل جاساعان. بۇل تۋرالى اتىراۋ وبلىستىق پوليتسيا دەپارتامەنتى مالىمدەدى، دەپ حابارلايدى "ادىرنا".
مالىمەت بويىنشا، ءتارتىپ ساقشىلارى قىزمەت بارىسىندا زاڭعا قايشى ارەكەتتىڭ الدىن الماق بولعان. وسى ساتتە ءبىر توپ ازامات اگرەسسيا تانىتىپ، پوليتسەيلەرگە كۇش كورسەتكەن. سونىڭ سالدارىنان 2 قىزمەتكەر جاراقات العان.
قازىرگى ۋاقىتتا وقيعاعا قاتىسى بار بارلىق ادامدار انىقتالىپ، ولارعا قاتىستى ءتيىستى پروتسەسسۋالدىق شارالار قابىلداندى.
اتالعان دەرەك بويىنشا "بيلىك وكىلىنە قاتىستى كۇش قولدانۋ" بابى بويىنشا قىلمىستىق ءىس قوزعالىپ، سوتقا دەيىنگى تەرگەۋ جۇرگىزىلىپ جاتىر.
ۇقساس جاڭالىقتار
