Bügın (25.02.2024) Daniiar Älpievke aldanǧan bır top saudager Almaty oblystyq polisiia departamentınde şu şyǧardy.
Qonaev qalasyna kelgen käsıpkerler äleumettık jelıde Daniiar Älpievtı, Ermek Marqabaevty aqtap aludy közdeitın advokattardyŋ äreketterıne, körşı memleketke nota joldatqan astyrtyn oiyndarǧa alaŋdauly ekenderın jetkızdı.
Qylmystyq ärekettı jūmsartu üşın jasalatyn aqparattyq nauqan tergeuge qysym körsetudıŋ bır türı. Soŋǧy uaqytta būl ürdıs qalypty jaitqa ainalyp, Bişımbaevty da aqtap alu äreketterı äşkere boluda. Sondyqtan, japa şeguşı tarap Almaty oblystyq polisiia departamentı bastyǧynyŋ orynbasary Serık Qasenūly Şalqarovqa bırneşe sūraqty jüzbe-jüz qoidy:
“Saudagerlerdı sergeldeŋge salǧan, 2 mlrd-qa juyq qarjy jymqyrǧan Daniiar Älpievtıŋ ūiymdasqan tobyna qandai şara qoldanyldy? Alaiaqtyq boiynşa qylmystyq ıs qozǧaldy ma (№3 pavilon qūrylysy)? Jäbırlenuşıler sany qanşaǧa jettı? Pavilon qūrylysyna qarjy jinauǧa tıkelei qatysy bar Ermek Marqabaev, kassir Marjan Esjanova, Beket Äbılov jäne basqalarǧa nege şara qoldanylmai jatyr?” - dedı.
Bügıngı jiynǧa Daniiar Älpievtıŋ tuǧan-tuystary da qatysqan. Būǧan deiın Daniiar Älpievtıŋ basşylyǧyndaǧy kompaniia üşınşı pavilondy salu üşın 300-den astam üleskerden zaŋsyz qarajat jinaǧan.
Atap aitqanda, bazardyŋ atqaruşy direktory bolyp qyzmet atqarǧan qyrǧyz azamaty Ermek Marqabaev, kassada jūmys ıstegen Marjan Esjanova jäne bazardyŋ baqylauşysy Beket Äbılov syndy tūlǧalardyŋ qatysuymen bolǧan zaŋsyz qarjy jinau äreketı älı künge deiın öz şeşımın tappaǧan.
Almaty oblysy polisiia departamentınıŋ basşylyǧy üleskerlerdıŋ kökeitestı mäselesı boiynşa qylmystyq ıs qozǧalatynyn jäne üleskerlerdı jäbırlenuşı retınde tanityndyǧyn aitty.
Qosymşa aqparat boiynşa bailanys üşın: Diana Mūhitqyzy - 87476826772
