تالىپتەردىڭ قوعامدىق شاقىرۋ جانە نۇسقاۋ ءبولىمىنىڭ باسشىسى موحامماد حاشەم شاحيد ۆرور 20 اقپاندا وتكەن جينالىستا ساقال ءوسىرۋدىڭ پارىز ەكەنىن جانە ونى قىسقارتۋعا بولمايتىنىن ايتتى، دەپ حابارلايدى “ادىرنا” ۇلتتىق پورتالى Khaama رress اگەنتتىگىنە سىلتەپ.
«باق قىزمەتكەرلەرى دە ساقالىن ساقتاپ، قىرىنۋدان باس تارتۋى كەرەك» دەدى ول.
ودان ءارى ول باق قىزمەتكەرلەرى سۋرەتكە ءتۇسىرۋ ۇلكەن كۇنا ەكەنىن جانە اقىرەتتە اللانىڭ الدىندا جاۋاپ بەرەتىنىن ايتىپ، سۋرەتكە تۇسىرمەۋ كەرەگىن باسا ايتتى.
«باق قىزمەتكەرلەرى – اۋعاندىق وتانداستارىمىز، بىراق ولار ساقالىن قىرۋ كۇناسىن تاباندى تۇردە جاساپ، جەمقورلىققا كوبىرەك كوڭىل بولەدى»، دەپ ءسوزىن جالعادى ول.
بۇعان دەيىن قانداعارداعى تالىپتەردىڭ گۋبەرناتورى جاقىندا وسى پروۆينتسياداعى تالىپتەردىڭ بارلىق مەكەمەلەرى مەن بيلىگىنە جازباشا نۇسقاۋ بەرىپ، رەسمي جانە بەيرەسمي كەزدەسۋلەر مەن راسىمدەردى سۋرەتكە تۇسىرۋگە تىيىم سالعان بولاتىن.
قانداعارداعى تالىپتەردىڭ گۋبەرناتورى موللا شيرين احۋند الەۋمەتتىك جەلىلەردە جانە كەيبىر باق-تا جاريالانعان وسى جازباشا نۇسقاۋدا وسى پروۆينتسياداعى تالىپتەردىڭ ۇكىمەتىنىڭ ۇلتتىق جانە اسكەري شەنەۋنىكتەرىنە سۋرەتكە تۇسۋدەن جانە سۋرەتكە تۇسىرۋدەن باس تارتۋدى تاپسىردى.
